Mazmunı Kirisiw

Qoshqarlardıń toyımlı zatlarǵa bolǵan talabı

Sińiriliwshi proteinge bolǵan talap qarakól qoshqarlarına 1 azıq birligi ushın 114-155 ti, quyrıqlı qoshqarlar ushın bolsa 108-109 g quraydı. Sawlıqlar buwazlıǵınıń birinshi dáwirinde 1 azıq birligine 0,85-0,90 g sińiriliwshi protein tuwrı kelse, sońǵı 7-8 háptesinde 95-100 g teń boladı. Jas haywanlarda proteinge bolǵan talap 10-15% ke artıq boladı. Norma kórsetkishinde tazalanbaǵan kletchatka, qant, kraxmal hám AEM lar muǵdarı keltirilmegen bolsada barlıq gúyis qaytarıwshı haywanlar sıyaqlı olardıń racionında baqlap barıw kerek. Racionda tazalanbaǵan kletchatkanıń muǵdarı 6 ǵa shekem qozılarda qurǵaq zattıń 13 % 15-17 aylıǵında 25% hám úlken jaslı qoylarda 27 % ten artpawı kerek. Eger racionda kletchatkanıń muǵdarı artıp ketse, barlıq toyımlı zatlardıń sińiriliwi tómenleydi. Qoylardıń qantqa bolǵan talabı olardıń 1 kg tiri salmaǵı ushın 2,5-3,0 g dı quraydı. Qoylar racionında mikorelementlerden kalciy, fosfor, magniy, as duzı hám altınkúkirt muǵdarı qadaǵalanadı. Olar arasında altınkúkirt ayrıqsha áhmiyetke iye. Jún talshıǵınıń quramına kiriwshi tiykarǵı zat karotin belok bolıp, onda 2,5-5,5 % altınkúkirt zatı bar. Metionin, cistin hám cisteinlar mikrooraganizmler tárepinen sintezleniwi ushında altınkúkirt elementi kerek boladı. Daǵal júnlerde 3,55-5,40 % cistin, 0,44 % metionin barlıǵı hámde jumsaq jún quramında 9,11-11,1 % metionin hám 0,67 % cistin bolıwı A,A.Ptashkin hám A.B.Lilar aytıp ótken. Bul elementlerdiń racionda jetispewshiligi jún talshıǵınıń ósiwin ástelestiredi, bekkemligin tómenletedi. C hám B topar vitaminlardıń iskerligin asırıwda marganec qatnasadı (A.B.Modyanov). Qalǵan makroelementlerdiń tásiri qaramallardaǵı sıyaqlı.
Qoylar racionında mikroelemtentlerden temir, mis, cink, kobalt, marganec hám yodlar muǵdarı baqlanadı. Qoylar ushın mikroelementlerdiń tásiri basqa haywanlardiki sıyaqlı bolıp tabıladı. Qoylar racionında karotin hám D vitamin, qoshqarlarda bunnan tısqarı E vitaminiń muǵdarı hám baqlap barıladı. Jaylawlarda baǵıw dáwirinde jaylaw otı esabına bul vitaminlerge bolǵan talap qandırıladı.