Mazmuni kirisiw I bap. Injenerlik grafikasın oqıtıw metodikası pánine uliwma sipatlama

Injenerlik grafikası pániniń wazıypaları :

• 
  Noqat, tuwrı sızıq, tegislik hám betlerdiń suwretlerin sızıwdıń teoriyalıq tiykarların;
  
• 
  Geometriyalıq elementler hám denelerdiń óz-ara jaǵdayları, óz-ara kesilisiwi, haqıyqıy úlkenligin anıqlawǵa tiyisli máselelerdi sheshiwdi;
  
• 
  Tuwrı múyeshli hám aksonometrik proeksiyalar járdeminde ápiwayı buyımlardıń suwretlerin sızıwdı ;
  
• 
  Aldınan qoyılǵan shártlerge qaray buyımlardı suwretlerin sızıwda geometriyalıq, proeksion hám mashinasazlıq sızılmaları boyınsha shınıǵıwdı;
  
• 
  Jiyiw birligi, ulıwma kórinis sızılmaların oqılıwında hám orınlawda buyımnıń ózine hám sızılmasına qaray ápiwayı geometriyalıq sırtqı kórinislerdi ajrata biliwdi;
  
• 
  Sızılmalardı tayarlawda Konstruktorlıq Hújjetleriniń Birden-bir Sistemasına (KHYaT) kiretuǵın standartlarǵa tiykarlanıp orınlanıwın támiyinlewdi úyretiwden ibarat.
  

Pánniń wazıypası -“Injenerlik grafikasi” boyınsha keńisliktiń oraylıq hám ortogonal proeksiyalawǵa tiykarlanǵan arnawlı bir grafik modellerin payda etiw usılların jetilisken iyelew jáne bul grafik modellerden paydalanıp, keńislikdegi obiektler hám de olardıń munasábetlerine tiyisli pozitsion hám metrik máselelerdi ǵárezsiz sheshiwde jetkilikli dárejede bilim, kónlikpe hám ilmiy tájriybelerge ıyelew bolıp tabıladı. Studentlerdi injenerlik hám qánigelik pánlerine tiyisli grafik informaciyalarınıń, yaǵnıy geometriyalıq obiektlerdiń eki hám úsh ólshemli suwretlerin proyetlestiriw, hám de texnologiyalıq processlerdiń modellerin jaratıw sıyaqlı islerdi avtomatlastırıw ushın zárúr bolǵan bilim, kónlikpe hám ilmiy tájriybelerge jetkilikli dárejede úyretiwden ibarat.
Barlıq quramalı deneler noqat, tuwrı sızıq, tegislik sıyaqlı ápiwayı geometriyalıq elementlerden shólkemlesken. Sol sebepli injenerlik grafikası pániniń tiykarın ápiwayı geometriyalıq denelerdi proeksion ózgeshelikleri quraydı. Bul pándi tereń úyreniliwi keyinirek fundamental injenerlik pánlerin hám sızılmalardı tayarlawdıń avtomatlastırılģan kompyuter grafikası sistemaların hár tárepleme ózlestiriw imkaniyatın jaratadı. Injenerlik grafikası páni sızılma geometriya (geometriyalıq denelerdi súwretlewdiń teoriyalıq tiykarları) hám de texnikalıq sızılmashılıq (buyımlardıń sızılmaların tayarlaw jáne onı oqıw ) pánleri elementlerin óz ishine aladı. Injenerlik grafikası menen shuǵıllanıw oqıwshınıń keńislikdegi oyda sawlelendiriwin keńeytiredi.

2.