Мектеп устаханаларында аспабларды таярлаў жумысларын шөлкемлестириў

Oqiw ustaxanalarinda a`mel qilinatug`in uliwma ta`rtip ha`m qag`iydalar.

Mekteplerde oqiwshilardin` sabaqalrg`a qatnasi , o`zlestiriwi, ka`sip-o`nerlerdi puxta u`yreniwin ta`miyinlew maqsetinde orta mektep ko`leminde, mektep oqiw ustaxanalarinda qatan` ta`rtip-intizam ornatiliwi sha`rt.

Sol sebepli oqiw ustaxanalarinda alip barilatug`in texnologiya sabaqlarinda da oqiwshilar to`mendegi ta`rtip-intizamg`a qatan` a`mel qiliwlari kerek.
1.Oqiwshilar texnologiya sabaqlarina turaqli tu`rde,sabaq qaldirmastan, keshikpesten qatnasiwlari sha`rt.Sebebi oqiwshilar a`meliy shinig`iwlardi tek g`ana oqiw ustaxanalarinda g`ana orinlaw imkaniyatina iye boladi.Bul jumislardi u`yde orinlaw imkaniyati olarda bolmaydi.Buni itibarg`a alip miynet sabaqlarinda a`meliy shinig`iwlar tuwrali u`yge tapsirma berilmeydi.
Demek,oqiwshi sabaqqa kelmese u`yrenip atirg`an kasip-o`neri tuwrali ko`nlikpe ha`m miynet ta`jiriybelerin payda qiliw imkaniyatina iye bolmay qaladi.
2.Ha`r bir oqiwshi sabaq waqtinda o`zine bekitilgen jumis orninda otiriwi ha`m islewi sha`rt. Bunin` ushin jumis orinlari oqiwshilar sanina qarap jeterli boliwi sha`rt.Bul jag`day oqiwshilardin` jumissiz qalmawin ha`m tapsirmalardi o`z waqtinda orinlawin ta`miyinlewge ja`rdem beredi.
3.Sabaq waqtinda oqiwshilardin` bir orinnan basqa oring`a ko`ship ju`riwlerine ruxsat etilmeydi.Bul jag`day jumis orinlarinin` bosqalmawi ,olardan uzaq waqit dawaminda paydalaniw imkanin beredi.Sonin` ushin jumis orinlarin, og`an tiyisli a`sbap-u`skenelerdi nomerlep jumis ornina oqiwshilardi qatan` biriktirip, olardin` juwapgershiligin arttiriw kerek.Oqiwshi imkani barinsha mektepti pitkerip ketkenge shekem o`zine biriktirilgen jumis orninda otiriwi ha`m jumis islewin ta`minlew maqsetke muwapiq boladi.
4.Ha`r bir oqiwshi sanitariyaliq ha`m gigienaliq talaplarg`a a`mel qilg`an halda a`meliy shinig`iwlarg`a o`zinin` arnawli jumis kiyimin alip keliwi ha`m sol kiyimde islewi kerek.(Imkani barinsha oqiw ustaxanalarinda bar bolg`an oqiwshilar ushin mo`lsherlengen arnawli jumis kiyiminen uliwma maqsette paydalanbaw kerek.Sebebi bul kiyimdi bir ha`pte dawaminda den sawlig`i ha`r qiyli bolg`an 10-15 oqiwshi kiyedi,bul jag`day ayirim oqiwshilardin` den sawlig`ina keri ta`sir etiwi mumkin).
5.Oqiwshilar grafik tiykarinda waqti-waqti menen na`wbetshilik qiladi.Olar oqiwshilarg`a zagatovkalar,a`sbap –u`skenelerdi tarqatadi. Jumistan son` olardi jiynastirip, orin-ornina qoyadi ha`m oqiw ustaxanasin sipiristirip tazalaydi.
6.A`meliy shinig`iwlardi ta`nepissiz o`tkeriw maqsetke muwapiq keledi.Sebebi ta`nepissiz qisqa mu`ddet dawaminda oqiwshilardin` alan` bolip qaliwlarina ,onnan son` olardin` aldindag`iday jumisqa kirisip ketiwlerine keri ta`sir etedi.Sonin` ushin shinig`iwdi ta`nepissiz dawam ettirip,ta`nepis esabinan sabaqti bir qansha aldiniraq juwmaqalawina ruxsat etiledi.
7.Sabaqlardan son` ha`r bir oqiwshi o`z jumis ornin tazalap,a`sbaplardi ta`rtipke keltirip,artiqsha materiallardi, shala yamasa tayar jumislardi oqitiwshig`a tapsirip ju`z qollarin juwip, orin-orinlarina otiradi.
8.Oqitiwshi sabaqqa juwmaq jasap, oqiwshilardin` jumislarin bahalap,baqlaw dawamindag`i qoyilg`an bahalardi uliwmalastirip,oqip esittiredi.Son`inan oqiwshilarg`a ruxsat beredi.