Мектеп устаханаларында аспабларды таярлаў жумысларын шөлкемлестириў

Sabaqlardi o`tkeriw usili.
Joqarida biz sabaqtin` strukturasin ko`rip shiqtiq.Solay qilip, miynet sabag`inda u`sh basqishti ajiratip ko`rsetiwimiz mumkin: sho`lkemlestiriw-informatsiya,oqiw -a`meliy ha`m juwmaqlaw.trukturali elementlerinin` da`slepki besewi birinshi basqishqa,keyingi to`rtewi – ekinshi basqishqa, qalg`anlari – u`shinshi basqishqa tiyisli.Sabaqtin` ha`r bir basqishi za`ru`r. Biraq ol sabaqtin` maqseti ha`m mazmunina g`o`re tu`rli elementlerdi o`z ishine aliwi mumkin.Barliq sabaqlar strukturasinda tiykarg`i ha`m ja`rdemshi elementler boladi. Oqitiwshinin` metodikaliq sheberliklerinin` tiykarg`ilarina en` ko`p etibar beriw,ja`rdemshi elementlerge ketetug`in waqitti qisqartiriwdan ibarat.Biraq bunda,pedagogikaliq ta`jiriybede arzimag`an na`rseler bolmaslig`in yadta tutip,belgilengen waqtina a`mel qiliw za`ru`r.Teoriyaliq mag`liwmatlardi bayan qiliw- tiykarg`i elementlerden bir esaplanadi. Biraq oni da bunda bayanlawdin` aniqlig`i ha`m toliqlig`ina kesent keltirmegen halda ju`da` qisqa o`tiw kerek. Bul maqsette biz ko`rgizbelilik qurallarinan maksimal paydalanamiz, oqiwshilarg`a tu`sinerli bolg`an salistiriwlarg`a tayanamiz.
Jumis usillarin ko`rsetiw – oqiwshilardin` jumis usillarin u`yreniwi ushin jalg`iz informatsiya deregi esaplanadi.Biraq kereginen artiqsha ko`rsetiw de onin` sapasin kemeytiredi.Sabaqtin` bul bo`liminin` na`tiyjesi ko`p tarepten oni o`tiw sipatina baylanisli.Bul orinda oqitiwshinin` aniq,suliw islewi,o`z u`lgisi menen balalardi qiziqtiriwi,olarda uqsas da`rejede qiliwg`a umtiliw oyatiwi,tap sonday islew qabiletin oyatiw za`ru`r.Jumisti orinlaw ushin oqitiwshi sonday orindi tan`lawi kerek,bunda onin` ha`reketi,turiw jag`dayi barliq oqiwshilarg`a jaqsi ko`rinip turiwi kerek.
Ko`pshilik jag`daylarda jumis usillarin ha`m protsesslerin ko`rsetiw ushin 15 minut ha`m onnanda artig`iraq waqit talap qiladi.Bul waqit ishinde oqiwshilardin` diqqat penen tin`lawi ha`m ku`zetiwleri qiyin boladi.Sonin` ushin buni bir neshe basqishlarg`a bo`lip a`melge asiriw maqsetke muwapiq boladi.Bunda tu`sindiriw ha`m ku`zetiwlerdi oqiwshilardin` o`z betinshe jumislari menen almastirip turiw kerek.
Sabaqtin` ayirim elementlerinin` barisi ta`rtibinde aniq ma`ni bar.Bul orinda da eki moment:oqitiwshinin` oqiwshilardi tapsirmalardi orinlawg`a tayarlawdag`i sabaqtin` baslaniwi ha`m oni juwmaqlaw momenti ju`da` za`ru`rli esaplanadi.A`dette oqiwshilar sabaqti jiynastiriw menen juwmaqlaydi.Biraqta sol na`rse ma`lim,olar bul jumisti ekinshi da`rejeli jumis dep,qa`lesin-qa`lemesin orinlaydi.Biz jiynastiriwdi tayarlang`an buyimdi tekseriw ha`m baha qoyiwdan aldin baslaymiz ha`m baha qoyiwda bul jumis qanday orinlang`anlig`in esapqa alamiz.Bunday sistemada oqiwshilarda o`z jumis ornin jiynastirip qoyiw a`ste-aqirin a`detke aylanip qaladi.O`zlerinin` tiykarg`i jumislarin juwmaqlag`annan son`,balalar,oqitiwshinin` buyrig`in ku`tip turmastan,ta`rtip ornatadi, shig`indilardi tazalaydi.Bul a`detti ustaxanadag`i da`slepki sabaqlardan baslap a`melge asiriw kerek.Mektep ustaxanalarinda slesarliq jumislar boyinsha metallarg`a islew beriwde qollanilatug`in a`sbap-u`skenelerden paydalanip zatlar tayarlawda oqitiwshi sabaq barisinda qanday a`sbaplardan paydalaniw kerekligin ha`m ol a`sbaplardi paydalaniw ta`rtip qag`iydalarin u`yretip bariw talap etiledi.