Мектеп устаханаларында аспабларды таярлаў жумысларын шөлкемлестириў

Mektep ustaxanalarinda aspablardi tayarlaw jumislarin sho`lkemlestiriw.
Oqiw ustaxanalari ha`r ta`repleme rawajlang`an shaxsti ta`rbiyalaw boyinsha mekteptin` en` zarurli uchastkasi esaplanadi.Bul jerde sabaqlarda da,sabaqtan tisqari waqitta da oqiwshilardin` akil oyin, fizikaliq qabiletlarin o`siriw boyinsha jumis alip bariladi.
Oqiwshilar ustaxanada bar bolgan asbaplar menen kurallang`an halda materiallarg`a kerekli bolg`an ko`rinis berip,materiallardin` qarsilig`in jen`edi.Jumis islew prortsessinde olardin` oy orisi bekkemlenedi,miynet sheberligi artadi,zeyni o`tkirlesedi.A`spablar ham stanoklardi o`zlestire barip,materiallar qa`siyetin u`yrenip balalar texnika ha`m texnologiya tiykarlarin bilip aladi,kasip tan`law,ha`zirgi zamani islep shig`ariw karxanalarinda islewge a`meliy ha`m psixologiyaliq jaqtan tayarliq ko`redi.
Oqitiwshilar miynet protsessinin` o`zi ha`m miynet na`tiyjeleri balalarg`a quwanish ha`m qanatlaniwshiliq payda etkende g`ana bul jumislarda jaqsi na`tiyjelerge erisiw mu`mkinshiligin beretug`inlig`in jaqsi biledi.Sonin` ushin bunday na`tiyjelerge erisiw ushin mektep ustaxana-larinda bar bolg`an aspablardi tayarlaw jumislarin duris sho`lkemlestiriwdi talap etedi.
Jumistin` na`tiyjeli boliwi ko`binshe belgili bir ta`rtiptin` saqlaniwina, jumistin` duris sho`lkemlestiriliwine baylanisli ekenligi burinnan bizge ma`lim. «Ta`rtip- yarim jumis» dep biykarg`a aytilmag`an.Mektep ushin ta`rtip ju`da` za`ru`r.A`sbap-u`skenelerdi orin-ornina qoyiwda,jumis orinlarin duris sho`lkemlestiriwde,jumis sharaitlarinin` qa`wipsizligin jaratiwda aniq ta`rtip boliwi oqiwshilarda miynet ha`m texnologiyaliq intizamg`a ta`rbiyalaw ushin sheshiwshi a`hmiyetke iye.Ta`rtip,jumistin` maqsetke muwapiq sho`lkemlestiriliwin olar miynetti ilimiy sho`lkemlestiriw tiykari sipatinda o`zlestiredi.Eger bul na`rse ja`nede jaqsiraq oylang`an sabaq metodikasi ha`m oqiw obektlerinin` jaqsi sistemasi menen bekkemlengen bolsa,ol jag`dayda barliq oqiw - ta`rbiya jumislarinda u`lken jetiskenliklerge erisiw mu`mkin.
Ha`r bir oqitiwshi shaxstin` ta`jiriybesinen ma`lim bolg`aninday,sabaqqa qanshelli ko`p izleniwshilik penen tayarliq ko`rilse, ol sonshelli jaqsi o`tedi,onin` na`tiyjesi bolsa ja`nede joqariraq boladi.Bul orinda pa`nnin` o`zine ta`n qa`siyeti menen salistirilatug`in ma`lim printsiplerge a`mel qiliw za`rur.Olardan birewi to`mendegilerden ibarat: oqitiwshi oqiwshilarg`a jumis tapsiriwdan aldin ha`tteki en` a`piwayi konstruktsiyali zatlardi da o`zi jasap ko`riwi za`rur. Bul printsiptin` ma`nisi sonnan ibarat,oqitiwshi jumisti orinlaw protsessinde,texnologiyanin` qolaylig`in tekserip, oqiwshilarg`a dus keliwi mu`mkin bolg`an qiyinshiliqlardi aniqlaydi ha`m olardi saplastiriw jollarin belgileydi.Oqitiwshi ta`repinen jasalg`an zatlar sabaqtin` u`lgisi,etaloni bolip xizmet qiladi,oqiwshilar og`an qarap isleydi.