Ámeliy shınıǵwlar ushın metodikalıq usınıslar

Ilimiy maǵlıwmat apparatinda kitap haqqındaǵı zárúr maǵlıwmatlar beriledi. Mazmuni tek shıǵarma teması haqqında maǵlıwmat berip qoymastan, bálkim shıǵarma dúzilisi haqqında da maǵlıwmat beredi, zárúr baplardı, temalardı, bólimlerdi, paragraflardı qaysi betten tabiw kerekligin kórsetedi. Járdemshi kórsetkishler kitap oqıwshini qiziqtirǵan máseleni izlewge járdem beredi. Sóz basi kitap oqıwshini shıǵarmada berilgen máseleler, mashqalalar menen tanistiradi, shıǵarmaniń jaratiliw tariyxi, derekleri, baspa shıǵarmalardan parqi, qayta basip shıǵarilǵan bolsa, aldinǵi basiliwinan parqi, jańaliǵı haqqında maǵlıwmat beredi. Kirisiw bólim i bolsa avtordiń ómiri, dóretiwshilik joli haqqında maǵlıwmat beredi, mazmunin tusiniwge jardem beredi. Sońǵi sóz avtor tárepinen yaki avtordi jaqinnan bilgen, onıńómiri hám dóretpesin tereń úyrengen kritik (sinshi) qániyge tárepinen jaziladi hám shıǵarma temasina jaqin yaki onıńtiykar etip alinǵan waqiya hám hádiyseler, shıǵarma qaharmanlarınıń prototipleri, olardıń keyingi táǵdiri haqqında maǵlıwmat beriledi. Geyde basılımlarda túsindirmeler de beriledi. Olar kitap oqıwshıǵa shıǵarma mazmuniniń quramali bolǵan bólimin toliq túsiniwge járdem beredi, jáne shıǵarmaniń jaratiliw tariyxi, shıǵarma haqqında zamanlaslarınıń pikirleri, shıǵarmada berilgen waqiya hám hádiyseler haqqında maǵlıwmat beredi. Esletpeler shıǵarmaniń ayrim orinlarina baylanisli anıqlawshi hám toltiriwshi, dúzetiwshi maǵlıwmatlardan ibarat. Olar kóbirek baspaxana tárepinen dúzilip, kitap aqirinda yaki betiniń tómeninde beriledi. Baspaxana esletpeleri shet el sózleriniń awdarmasi, pikirler, shıǵarmada ati keltirilgen shaxs haqqında qisqa maǵlıwmat, avtor ómirine tiyisli qosimsha maǵlıwmatlardan ibarat boladi.
Shıǵarma mazmunin aship beriwde oǵan berilgen illyustraciyaliq materiallar úlken áhmiyetke iye. Olar hár qiyli bolip, shıǵarma ideyasina mazmunina sáykes boladi hám shıǵarma ideyasin, maqsetin keńirek túsinip aliwǵa járdem beredi, kitap oqıwshiniń estetikaliq talǵamin tárbiyalaydi, shıǵarma reklamasin kúsheytedi, kitap oqıwshini tez ózine tartadi, paydalaniwshida qiziǵiwshiliq oyatadi, shıǵarmaniń qunliliǵin asiradi. Kitapxanashi úyrenip shiqqan shıǵarmasi haqqında óz aldina dápterge yaki kartochkaǵa óz usinis pikirlerin jazip barsa, keyingi jumisinda da járdem beredi. Kitapxana xizmetkeri bibliografiyalıq qollanbalar menen turaqli islewi dawaminda aldin olardı úyrenip aliwlari zárúr. Bul oǵan sol jóneliste keńirek maǵlıwmatqa, bilimge iye boliwina járdem beredi, bibliografiyalıqqollanbalardı duziw qaǵiydasi menen tanistiradi hám úyretedi. Bunnan tisqari kitap oqıwshıǵa ádebiyatti duris usiniwǵa járdem beredi, kitapxanashiliq-bibliografiyalıq xizmet kórsetiw sapasin joqarilatadi. Sonliqtan kitapti úyreniwden bibliografiyalıq qollanbanı úyreniwdiń ayirmashiliǵi bar. Bibliografiyalıq qollanbanı úyreniw titul beti hám sóz basi menen tanisiwdan baslanadi. Titul betinde shıǵarmanin ati, oǵan tiyisli maǵlıwmatlar, oni toliqtiriwshi basqa maǵlıwmatlar, mekemeniń ati, oni basip shıǵariwshi ayrim shaxs, dúziwshi yaki jámááttiń ati, shıǵiw maǵlıwmatlari beriledi. Kóbinese, bibliografiyalıqkórsetkishtiń ati onıńtemasin aship beredi, atamasi yaki atamaǵa tiyisli maǵlıwmatlar maqsetin hám tipin aship beredi. Ilimiy járdemshi kórsetkishlerdiń titul betinde onda berilgen ádebiyatlardıń xronologiyaliq shegarasi kórsetiledi