Ámeliy shınıǵwlar ushın metodikalıq usınıslar

Sóz basinda qollanbanıń dástúri beriledi. Bunda temá tiykarlanadi, baspa ónimlerdiń túri, xarakteri, kitap oqıwshiliq topari maqseti, tiykarǵi bólimleri hám járdemshi maǵlıwmatlar beriledi. Kitap oqıwshiliq topari haqqındaǵı berilgen maǵlıwmat úlken áhmiyetke iye. Ayirim jaǵdayda qollanbada kitap oqıwshiniń gruppasi anıq kórsetilmeydi. Bunday jaǵdayda kitapxanashiniń ózi qollanba menen tanisip, qaysi kitap oqıwshıǵa usiniw kerekligin anıqlap aladi. Sóz basinda jáne materiallardı jiynaw, qaysi dáwirde tamamlanǵanliǵi haqqındaǵı maǵlıwmat beriledi. Bul jańa ádebiyatlardı usiniw ushin zárúr boladi. Mazmuni qollanbanıń dúzilisi haqqında maǵlıwmat beredi. Tiykarinan qollanbalar 2 bólimnen ibarat boladi: tiykarǵi hám járdemshi. Tiykarǵi bólim baspa shıǵarmalalardıń bibliografiyalıq jaziwlarinan dúziledi. Olardıń jaylastiriliwi qollanbanıń xarakterine, maqsetine, tańlanǵan ádebiyatlardıń jónelisine, kitap oqıwshilar topari hám temaniń ózgesheligine baylanisli boladi.
Tematikalıq kórsetkishlerde ádebiyatlar bir-birine baylanisli máseleler boyinsha gruppalastiriladi. Shaxslarǵa tiyisli kórsetkishlerde shaxslar familiyasiniń alfaviti tártibinde yaki ómiri hám dóretpesiniń xronologiyasi tártibinde jaylastiriladi. Mámlekettianiw máselelerine tiyisli kórsetkishlerde ádebiyatlar mámleket, qala hám rayonlar boyinsha jaylastiriladi. Kitapxanashi yaki bibliograf tezlik penen bibliografiyalıqjaziwlardıń eń mayda bólimlerine deyin qanday tártipte jaylasqanliǵin anıqlay biliwi zárúr. Usiniw kórsetkishlerinde bibliografiyalıqjaziwlardıń logikaliq jaylasiwin itibarǵa aliwi kerek.
Bibliografiyalıq basılımniń járdemshi bólimi sóz basinan, kitapxanashi yaki kitap oqıwshǵa múrájat bóliminen hám járdemshi kórsetkishlerinen ibarat boladi. Qollanbanıń maqseti hám baspa shıǵarmalardıń mazmunina kóre avtorlar, isimler, geografiyaliq, tematikaliq, predmet yaki xronologiyaliq hám kórkem shıǵarmalar atlarınıń al`favitli járdemshi kórsetkishleri beriledi. Olar ózlerine say jol kórsetkis bolip, qollanbanıń qanday da bir bólimine baǵdarlanadi. Máselen eger qollanbadaǵi jaziwlar sistemali tártipte jaylastirilǵan bolsa, predmet kórsetkishi beriledi. Mámlekettaniw hám úlketaniw xarakterindegi qollanbalarda geografiyaliq atamalar kórsetkishi beriledi. Ayırım shaxslarǵa baǵishlanǵan yaki tematikali qollanbalarda isimler, tematikaliq shıǵarmalar atlarınıń al`favitli járdemshi kórsetkishi beriledi.
Qollanbalardıń mazmunin úyreniw bibliografiyalıqjaziwlardı, bólimlerge berilgen kirisiw hám túsindiriw tekstleri, bólimler hám bólimshelerdi kórip shıǵiw protsessi menen tamam boladi. Qollanbalarda ádebiyatlarǵa berilgen annotatsiyalardı da diqqat penen kórip shıǵiw, olardıń qanday dárejede shıǵarma mazmunin aship bergenine itibardi qaratiw kerek. Qollanbanıń mazmunina kóre sol tarawǵa tiyisli qániygelerdiń pikirin biliwde úlken áhmiyetke iye.

Tákirarlaw ushın sorawlar:
1.Bibliografiyalıqkórsetkishlerdiń áhmiyetin aytiń.
2. Bibliografiyalıq qollanbanıń dúzilisi qanday boladi?
3. Bibliografiyalıq qollanbanı tayarlaw protsessleri nelerden ibarat?