Менежмент назарияси фани бўйича атамаларнинг қИСҚача луғати

Тезкор хотира - компьютер ишлаш жараёнида бевосита зарур бўлган маълумотлар сақланадиган хотира тури.
Техник таъминот - ахборот тизимининг ўз функциясини амалга ошириш жараёнида ишлатиладиган барча техник воситалар мажмуасидир.
Технологик парк – иқтисодий жихатдан ривожланган мамлакатларда кенг тарқалган янги илмий кашфиётлар асосидаги технологияларни, јояларни иқтисодиётга жорий этишга ёрдам берувчи илм-фан, маориф ва ишлаб чиқариш тизимларининг ўзаро интеграциясини ифодаловчи худудий бирлашмалар шакли.
Тизимли плата (MotherBoard - “она плата”) - компьютернинг асосий платформаси бўлиб, бошқа электрон қурилмалар: микропроцессор, тезкор хотира, тизимли шина, BIOS ва бошқа қурилмаларнинг адаптер (контроллер)лари ана шу платформага ўрнатилади.
Тузилишини қайта кўриб чиқиб ўзгартириш – объектив шарт-шароитлар тақозоси билан пайдо бўлган конкрет муаммони позитив тарзда хал этиш мақсадида бирон бир нарсанинг ташкилий тузилишини муайян параметрларга (муддати, вазифаси, кўлами, харажатлар ва хоказо) қараб ўзгартириш. Инқироз хавфининг олдини олишга йўналтирилган бошқарувнинг ўзига хос услубларидан бири (бу ўринда мавжуд қарздорликнинг, корхона, молиявий тизим, технологиялар ва персоналнинг таркибий тузилишини қайта кўриб чиқиб, ўзгартириш).
Франчайзинг – йирик ва майда корхоналарнинг ўзаро иқтисодий муносабатларга киришиш услуби. Бу қуйидагича намоён бўлиши мумкин: бош компания кичик корхонага ўзининг савдо белгисидан фойдаланиб муайян турдаги товарларни ишлаб чиқариш ва сотиш хуқуқини беради. Бунинг учун унчалик катта хақ олинмайди, бироқ асосий фирманинг имижига футур етказмаслик шарти асос қилиб олинади.
Эксперт – у ёки бу масалада асослаб берилган фикр-мулохаза билдириши мумкин бўлган фаолиятнинг муайян сохасида етук билим, тажрибага эга мутахассис.
Электрон биржа – кўп сотувчилар ва кўп харидорлар мавжуд бўлганда, электрон бизнес доирасида биржада хилма-хил товарлар олди-сотдиси.
Электрон бизнес – қўшимча қийматнинг бирлаштирилган занжирини яратиш ва ишчан хамкорларнинг оптимал ўзаро ишлашини таъминлаш учун ахборот технологияларидан фойдаланишга асосланган интернет-бизнес.