Онажонларнинг охирги сўзи.
Болам, эшит сенга айтар сузимни,
Бу дунёдан юмар бўлсам кўзимни.
Ажал поймонаси олса ўзимни,
Излай-излай тополмассан изимни.
Онам кетди деб, кўзингни ёшлама,
Қаддинг букиб юрагингни ғашлама.
Қўйлар сўйиб қозонга ош дамлама,
Тирикликда ҳурмат қилгин ўзимни,
Сўнг излаб тополмассан изимни.
Қандоқ қилай бирор ишни қилмасман,
Отанг солган иморатга сиғмасман.
Кеча-кундуз дуо қилиб йиғласам,
Миннат қилма, болам берган тузингни,
Сўнгра излаб тополмассан изимни.
Баҳор келса боғда бодом гуллайди,
Ишон болам, онанг қайтиб келмайди.
Ҳаётликда қадрим ҳеч ким билмайди,
Ёшлатмагин беҳудага кўзимни,
Сўнгра излаб тополмассан изимни.
Иложим йўқ, вақтим етиб ўлмайман,
Ажал келса, бир лаҳза ҳам турмайман.
Соғинсанг ҳам яна қайтиб келмайман.
Сўнгра излаб тополмассан изимни.
Ўғил боқдим бир кунимга ярар деб,
Қиз ўстирдим хизматимни қилар деб.
Тун, кечалар ухламадим, болам деб,
Ғафлат босмай ҳушёр тутгин ўзингни,
Сўнгра излаб тополмассан изимни.
Етти, қирқлар қилиб пулинг сарфлама,
Савоб қилдим онамга деб, ўйлама,
Қурьон ўқиб дуо қилгин хаққимга,
Шунда берар Аллоҳ нурин қабримга.
Ғафлат уйқусидан очгил кўзингни,
Энди сира тополмассан изимни,
Совға қилдим, сенга ширин сўзимни.
Сўнгра излаб тополмассан изимни.
|
ОНА
|
Кўнгли бўшли қилиб чарчадим она,
Дийдаси қаттиқроқ қиз ҳам бўлмадим.
Ҳаётнинг йўлида алдандим яна,
Сиздайин самимий одам кўрмадим.
Кўнглими оғритар умидвор зотлар,
Ростдан гапирганга ўхшайди холос.
Яна ўша алдов юрагим додлар,
Ҳар куни йиғлайман чиқармай овоз.
Нега бунча мени қийнайли ҳаёт,
Туғсангиз бўларкан бемеҳр қилиб.
Аламлар тирнайди қалбимни ҳайхот,
Кўзгуга термулиб тураман кулиб.
Ҳеч кимни алдама дердингиз она,
Айтганингиз қилиб яшадим, ўтдим.
Ўша ишончларга суяниб мана,
Ёлғонлар ичида қийналиб кетдим.
Боримни бағишлаб кўрсатдим вафо,
Мен қисматдан кутдим озгина меҳр.
Бироқ эвазига кўрдим кўп жафо,
Сохта муҳаббатдан топмадим сеҳр.
Ўттизга кириб ҳам бўлмадим катта,
Ширин гапирганни суйибман жондан.
Айбини айтмадим юзига шартта,
Воз кечолмай қолдим ўзим ёмондан.
Кўнгилчаклик қилиб чарчадим она,
Эзиб ташламоқда кўнгилнинг сири.
Ёшлигимга қайтиб қолсайдим яна,
Шунда оғримасди қизингиз дили.
|
Do'stlaringiz bilan baham: |
