Microsoft Word 12-lekciya doc

Shemirshek toqımanın` rawajlanıwı ha`m regeneratsiyası - shemirshek organizmnin` embrional 
rawajlanıw da`wirinde mezenximadan kelip shıqqan. Da`slep kletkalar formasın o`zgertedi. O`simsheleri 
jog`aladı son` ko`beyedi. Domalaq formag`a aylanıp bir-birine jaqınlasadı. Mezenxima toqımalarının` bunday 
bo`limlerine skeletogen toqıma delinedi. Mezenxima kletkalarınan xondroblat kletkaları formalanadı. Keyingi 
basqıshlarda orayda jaylasqan kletkalar shemirshek kletkalar ha`m olardın` formalanıwı na`tiyjesinde xon-
drotsitler payda boladı. Keyin jas xondrotsitler fibrillyar belok, glyukoza aminogliqan, protoglyukogen 
zatlardı sintezleydi. Kletkalar aralıq zattın` tsitoplazmasında shemirshek kletkalar payda boladı. Payda 
bolg`an shemirshek kletkalardın` periferik bo`liminde eki qabattan ibarat shemirshek u`sti perdesi 
payda boladı. 
Onın` ishki kombial qabatında jaylasqan xondrogen kletkaları ko`beyip jıynala baslaydı. 
Na`tiyjede shemirshek toqımasının` periferik o`siwi payda boladı. Jas xondrotsitler mitoz ha`m amitoz 
jolı menen ko`beyip shemirshek ishinde interstin`ial o`siw qubılısı boladı ha`m shemirshektin` massasın 
arttıradı. 
Interstitsial o`siw organizminin` aktiv formalanıw da`wirde shemirsheklerde bolatug`ın 
regeniratsiya protsessinde etedi. Shemirshek rawajlanıwının` son`g`ı da`wirlerinde toqıma ortasında 
jaylasqan kletkalarda qan tamırlarının` bir-birinen uzaqlasıwına baylanıslı zat almasıw protsesi to`menenley baslaydı. 
Bul da`wirde kletkalar diffuziya jolı menen toqımag`a tarqalıp atırg`an azıqlıq zatlar menen awqatlanıp turadı. 
Na`tiyjede bul kletkalarda ko`beyiw qa`siyeti kem-kemnen to`menenlep, ol distrofiyag`a ushıraydı. Ayırım waqıtlarda 
o`z wazıypasın o`tep bolg`an kletkalar ornında su`yek toqıması payda boladı. Bunda ostoklast kletkalar aktiv 
qatnasadı. Shemirshek toqımasının` regeneratsiyası protsessinde shemirshek u`sti perdesinin`, kombial kletkaları 
menen toqıma ishindegi jas xondrotsitler aktiv qatnasadı.