Microsoft Word abu bakr siddiq ziyouz com doc

 
* * * 
Ҳаж мавсуми яқинлашаётганди. Бунинг учун алоҳида тайёргарлик кўриларди. 
Пайғамбаримиз (с.а.в.) замонларида бўлгани каби Мадинадан тўплам холида ҳаракат 
қилиниши маъқул кўрилди. Ҳазрат Умар (р.а.) шу йили «Ҳаж амири» этиб тайинланди. Ҳажга 
оид вазифаларни у тушунтиради ва унинг йўл-йўриқ ва кўрсатмалари асосида бу муборак амал 
бажарилади. 
Ҳаж қилувчи оломонга Зул хулайфа номи берилган ва Мадинадан олти чақирим узоқликда 
жойлашган ерда эҳромга киргандан сўнг, «Лаббайкаллоҳумма, лаббайка» нидолари остида 
йўлга чиқди. Каъбани зиёрат этиш ва келолмаганларнинг саломларини етказиб, улар учун ҳам 
дуо қилиш уларнинг мақсадлари эди. 
 
ЯНА БИР ЖУМА ХУТБАСИ 
... Эй, Аллоҳнинг қуллари, сизлар қачон поёнига етиши номаълум бўлган ҳаётни ўтказиш 
учун эртадан кечгача ҳаракат қилмоқдасиз. Агар Аллоҳ рози бўладиган бир иш қилаётган 
бўлсангиз, ҳаётингиз сўнгига етаётган бўлса-да, бу ишни бажаришдан сира тўхтаманг. Бунга 
эса фақат Аллоҳнинг марҳамати билан куч топа оласиз. У ҳолда ҳаёт муддати битмасдан 
хайрли амаллар қилишга шошилинг. Акс ҳолда, лоқайдлигингиз сизни ёмон амалларга 
бошлайди. 
Вақтни беҳуда ўтказмай ақлингизни йиғиб олинг. Чунки сизнинг ортингизда ишини бир 
зумда бажарадиган ўлим бордир. Ундан қутулиш мумкин эмас. 

---

Абу Бакр Сиддиқ. Аҳмад Лутфий Қозончи 
www.ziyouz.com kutubxonasi 
78
Биласизми, Аплоҳ таолога нисбатан холис ниятда бўлган пайтларингизда Унга итоат этган ва 
ҳақ йўлдан юрган бўласиз. Ушрларни йиғим-терим пайтида беринг ва уни келажак учун 
тайёргарлик сифатида асраб қўйинг. Бунга эҳтиёж сезган пайтингизда асл маҳсулотни айнан ва 
бенуқсон олган бўласиз. 
Эй, Аллоҳнинг қуллари, ўзларингиздан аввал яшаб кетганлар ҳақида ўйланг. Улар кеча 
қаерда эдилар, бугун қаердалар? Дунёни ларзага келтирган ва ҳашаматли саройлар қурдирган 
шоҳларнинг аҳволи нима бўлди? Барчалари унутилдилар. Ҳатто исмлари ҳам хотиралардан 
ўчиб кетди. Улар ҳеч дунёга келмаган кабидирлар. «Мана, зулм қилганлари сабабли