Microsoft Word al azkor ziyouz com doc
-bob G’iybatga taalluqli muhim masalalar bayoni
Download 0.91 Mb. Pdf ko'rish
|
Imom Navaviy. Al-Azkor
|
315-bob G’iybatga taalluqli muhim masalalar bayoni Utgan boblarda zikr qildikki, g‘iybat - kishini u karih ko‘radigan narsasi bilan zikr qilmoqlikdir. Xoh u lafz bilan yoki yozish bilan yoki ramziy ma’noda bo‘lsin yoki ko‘z, qo‘l va bosh bilan ishora etish orqali bo‘lsin, barchasi joiz emas. Yana ham aniqrog‘i, har bir musulmonning nuqsonini boshqaga anglattirmoq harom bo‘lgan g‘iybatdir. Ana shu g‘iybatlardan biri - egilib va bukilib yuradigan yoki shularga o‘xshash nuqsonli kishilarni hikoya qilib, ana shu hikoyadan unga noqislikni xohlashlikdir. Bularning har biri xilofsiz haromdir. Yana g‘iybatlardan biri - musannif kitobida bir shaxsni zikr qilib, bu bilan uning noqisligini va uni obro‘sizlantirishni xohlasa, u ham haromdir. Ammo bu zikri bilan uning xato qilayotganini, ilmda zaif ekanligini va buning sababidan odamlar unga taqlid qilib, ergashib g‘ururga ketib qolmasliklarining oldini olib gapirmog‘i g‘iybat emas. Balki vojib bo‘lgan nasihatdir. Agar mana shuni iroda qilsa, savob ham oladi. Shu singari musannif yoki boshqasi: «Bir qavm yoki bir jamoa unday yoki bunday», «Bu qilgani noto‘g‘ri yoki xato yoki jaholat va g‘aflat» kabi so‘zlarni aytishi ham g‘iybat emas. Chunki haqiqiy g‘iybat bir kishining ayni o‘zini yoki bir jamoatning ayni o‘zini zikr qilmoqlikdir. |
