Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
44 etayotganini dunyoga e’lon qilmoqchidek, tobora balandroq ovozda kuylardi. * * * Ular sarson-u sargardon yura-yura, nomi betayin, atrofi serqayin, uylari katalak, tomlari kamalak qishloqqa duch kelishdi. Keng ko‘chaga yoyilib, burunlari havoga sayilib, g‘ishtin mo‘rilardan taralayotgan turfa xil taomlar isini simirib borishaverdi. Ayniqsa Meshpolvon har bir taomga solingan masalliqlarning turigacha aniq aytib beradigan darajada diqqat bilan hid olardi. Navbatdagi muyulishdan qayrilishayotganda, orqada qolgan Chumakvoy hovlilardan birining yonida tuyasini to‘xtatdi. Panjara-devor ortida barq urib o‘sgan shiringullarga bir zum mahliyo tikilib turgach, cho‘zg‘ilanib quyi egildi. Eng bo‘ychan shoxdagi gulga burnini bosib hidlay boshlagan ediki, nektar emayotgan asalari peshanasini jizillatib chaqib qochdi. Chumakvoy: «Oh, dono kallaginam!» – deganicha panjaraning ortiga ag‘darildi. Ariqchadagi loyqash tuproqdan bir siqim olib, peshanasiga bosdi, og‘riq tiyilishini kutib, «uh-uh»lab yotaverdi. Pichadan keyin sheriklari uni axtarib kelib qolishdi. Tuya panjara-devor yonida egasiz turganini ko‘rib, xavotirga tushishdi. – Arpaboshoqqa o‘xshagan bola edi, – deya achingan bo‘ldi Rayhon qiziq. – Bechorani chumolilar sudrab ketdimikan? – Agar yer yutgan bo‘lsa, tuyasi tashqarida qolmasdi, – dedi Oshiqbola. – Yo ishtonini ho‘l qipqo‘yib, chekkaroqda qurityaptimikan? – Balki o‘rdaklarga qalampir sotib yurgandir? Meshpolvon xachirining bo‘ynidan quchoqlab, yumalangudek alfozda pastga sirg‘andi. Yerga bus- butun qo‘nib olganidan so‘ng: «Hey, Chumakvoy! Qaerdasan, lo‘liginam?» – deb tevarakka ovoz qila ketdi. Peshanasi ayvonsifat shishib, ko‘zlari xandonpistaga o‘xshab qolgan Chumakvoy bu tovushni eshitib, asta o‘rnidan turdi, betini tarvaytirganicha shiringullar orasidan bosh chiqardi. Meshpolvon uni tanimay: «Ho‘, oshna, tuppak ushlagan anqov lo‘lini ko‘rmadingmi?» – deb so‘ragan edi, u: «Ermaklashni senga ko‘rsatib qo‘yaman», deya panjaradan oshib o‘tib, yoqalashib ketdi. Oshiqbola bilan Rayhon qiziq tez ulovdan tushib, ularni ajratishga shoshilishdi. Shu mahal ustiga dasturxon yopilgan mistog‘arani o‘ng biqiniga tirab, belini chapga qiyshaytirgan yalangbosh kishi paydo bo‘lib: «Tekinga mushtlashguncha, talashib somsaxo‘rlik qilsanglar-chi», dedi. Bu so‘z qulog‘iga ilinishi bilanoq Meshpolvon sipo tortdi. Chumakvoyning yoqasini qo‘yib yuborib, yalangbosh kishiga yaqinlashdi. Unga cheksiz hurmat bilan ko‘z qadab: «Qanaqa somsani gapiryaptilar?» – deb so‘radi. – Bozorga somsa sotgani ketyapman, – dedi yalangbosh kishi. – Issig‘ida kepqoling, tugamasdan yeb qoling! Meshpolvon beixtiyor cho‘ntagini kavladi-yu, birdan manglayi tirishdi. – Sotgani ketyapman, deng? – Sotamiz! Pul sizdan, gul bizdan! – Yo‘q, biz somsa yemaymiz, – deya notavon qiyofada bosh tebratdi Meshpolvon. – Somsayam ovqatmi? Somsapaz: «Ie, bundan yaxshiroq taomning nomi nima ekan?» – deya jirillab, tog‘orasini yerga qo‘ydi, og‘iz ko‘pirtirib molining ta’rifini keltirishga tutindi: Yerni g‘uluv yaratdi, G‘uluvlar buv 15 yaratdi, 15 Був – буғ. |
