Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
43 – Sakrab o‘zin duldul qilar, Sayrab tilin bulbul qilar, Ishonchingni bir pul qilar, Yo‘lboshching ham so‘qir bo‘lsa. – Chiqib o‘zing guzar tomon, Boshla desang bozor tomon, Opkeladi mozor tomon, Yo‘lboshching ham so‘qir bo‘lsa. – Ichib olib xufya ko‘knor, Ko‘rsatadi o‘zin hushyor, Qilar oxir sarson-u xor Yo‘lboshching ham so‘qir bo‘lsa. – Qulayroqdir yo‘l-safarda Ergashmoqlik soqov-karga, Yiqilasan bir kun jarga Yo‘lboshching ham so‘qir bo‘lsa. – Og‘zingni yum ikkalang! – deb baqirib berdi yo‘lboshchi. – Senlarni shuncha yil boshlab yurib, biron marta adashtiruvdimmi? Men qolib, yo‘lda yotgan qandaydir jinniga ishonganlaring alam qilyapti. Suf senlarga! Qaysi biring mendan shubhalansang, etagimni qo‘yvor, men ketdim. Orqadagi so‘qirlar Chumakvoyning ovozi kelgan tomonga xiyol bosh burishib: «Hov, jinni, yaxshi qol. Xayr, jinni», deganlaricha yo‘lboshchining etagidan ushlab, manzil sari yurishda davom etishdi. Chumakvoy sergak tortib, boshini balandroq ko‘tardi. Sinchiklab kuzatsa, haqiqatan ham jar yoqasida yotishibdi, atrof keng dala. Jonholatda qichqirib, oyoqqa qalqdi. Oshiqbola bilan Rayhon qiziq cho‘chib uyg‘onishsaki, Chumakvoy kallasini changallaganicha dodlab turibdi. – O‘zi nima gap? – deb so‘radi Oshiqbola ko‘zlariga ishonmasdan atrofga alanglarkan. Rayhon qiziq esa tevarakka loqayd nazar solib chiqqach, bir esnab olib dedi: – Hech gap yo‘q. Chumak xumpar tushimizda baqirib yuribdi. Maysaga yonboshlab, endigina ko‘zi ilingan Meshpolvon yon-verida bo‘layotgan gaplarni elas-elas ilg‘agan kuyi garangsib do‘rilladi: – Och qoringa muncha to‘polon qilmasanglar? Ko‘rib turibsizlar-ku, jardan sog‘-salomat chiqvoldik. Oshnamga rahmat denglar. – Qanaqa oshno? – ko‘zlari o‘ynab so‘radi Chumakvoy. Meshpolvon tunda bo‘lib o‘tgan voqeani ularga tushuntirib berguncha quyosh ko‘tarilib, atrof nurafshonlanib ketdi. Oradan yana picha fursat o‘tgach, dalalar bo‘ylab chapanicha qo‘shiqning ohangi taraldi: Olma yedim baqalog‘idan, Gilos yedim chaqalog‘idan, Anjir yedim yapalog‘idan, Bog‘bon buvaning shapalog‘idan... Iblisjar qafasidan tasodifan omon chiqqan Meshpolvon o‘z askarlari bilan yurishda davom |
