Microsoft Word anvar obidjon meshpolvonning janglari lotin ziyouz com doc

www.ziyouz.com kutubxonasi 
81
mumkin», deb askarlarga tabrik-tavallo bilan murojaat qildi. 
...Sandiqdek-sandiqdek harsang toshlar guvillaganicha uchib kelib, qo‘rg‘on devorlariga shikast 
yetkaza boshladi. Hammayoqni to‘zon qoplab, qay biri palahmontosh ko‘targan chang-u, qay biri 
quyun ekanini ajratib bo‘lmay qoldi. Narigi chetga kelib tekkan tosh qo‘rg‘onning bu chekkasigacha 
larzanglatib yuborar, devor hademay nozik shishadek chilparchin bo‘lishi hech gap emasdi. 
Palahmontoshlardan biri devorning tepa qismiga urilib maydalangan chog‘da, mushtdek bo‘lagi 
Meshpolvonning boshiga borib tegdi, chapya sopol tangachalarga aylanib, chor atrofga sochildi. 
Qo‘mondon shovullab qon otilayotgan peshanasini changallab, shalop etib yerga yiqildi. 
– Eh-hay, jo‘rolar! – deya tomog‘i yirtilguday bo‘lib qichqirdi Chumakvoy. – Meshpalvonimizni 
o‘ldirib qo‘ydilar! 
Toshlar yog‘ilayotganini ham birdan unutib, hamma o‘sha yoqqa qaradi. Picha dong qotib 
turishgach, yaraga ro‘molcha bosayotgan Chumakvoyning yoniga Oshiqbola bilan Rayhon qiziq kelib 
qo‘shildi. Ular qo‘mondonni devor orqasidagi zinapoyadan ko‘tarib tushishib, mustahkam toshhujra 
panasida g‘uj bo‘lib o‘tirgan qizlarning oldiga olib borishdi. 
Meshpolvonning rangi paxtadek oqarib, oyoq-qo‘llari shalvirab, badani butkul sovib ketgan, undan 
tiriklikning biron-bir alomatini topib bo‘lmasdi. 
– Ota-onasini ko‘rolmasdan ketdi sho‘rlik, – deb namlangan kiprigini artdi Rayhon qiziq. 
Chumakvoyning esa ko‘zidan yosh daryo bo‘lib quyilayotgan edi. U, mushtini havoda o‘ynatib: 
«Qora papoqli ana shu sakvachchalar kunini ko‘radi hali!» – deganicha tish qayradi. 
– Sizlar tashvish tortmanglar, – dedi Oytumor Oshiqbolaga boqib. – Meshpolvonga o‘zimiz 
qaraymiz. Manavi dugonamning otasi tabib bo‘lgan, o‘ziyam ancha narsani biladi. 
To‘shak-yostiq olib chiqishib, Meshpolvonni unga avaylab yotqizishdi. Tabib qiz shu zahotiyoq 
yelib-yugurib ishga kirishdi. 
– Ketdik bo‘lmasa, – deb sheriklarini yana devor tomonga ergashtirdi Oshiqbola. – Meshpolvon 
uchun qasos olamiz. 
– Qasos olamiz! – deya baland ovozda takrorlashdi Rayhon qiziq bilan Chumakvoy. 
Yuqoridagi soqchilarning: «Qasos olamiz! Dahshatli Meshpolvonning o‘chini olamiz!» – degan 
tovushlari qo‘rg‘on devori bo‘ylab zumda aylanib chiqdi. 
Palahmontoshlar ulkan qorayaloqlar galasidek uchib kelib yog‘ilaverdi. Devor tuya-tuya qilingan 
qovun tilligi shakliga kirib, ayrim joylari yarim-yorti o‘pirilib tushdi. Chumakvoyning miyasida, 
dushman shu tariqa tosh otaversa, peshinga qolmay dunyodagi tog‘lardan bittasi yo‘q bo‘lib ketadi 
degan shubha uyg‘ondi. Ammo, qaysidir tog‘ning kuni bitmagan ekan, ko‘p o‘tmay palahmonlarning 
sharaq-shurug‘i tinib, toshlarning zuvir-zuviri ham, devorlarning gumbir-gumbiri ham eshitilmay 
qoldi. 
Bu yovvoyi sukunat bir necha daqiqaga cho‘zildi xolos. Havoni qoplab olgan changlar hali 
bosilmay turib, Sepkilshohning narvonchilari navbatdagi hujumga tashlanishdi. 
Qizqo‘rg‘on qattiq shikastlangani uchun mudofaa qilish yanayam og‘irlashib ketdi. Hojixonajina 
devorning ko‘proq buzilgan joylariga to‘rt-beshtadan quyunni doimiy birkitib qo‘ygan bo‘lsa ham, 
qora papoqlilar himoyadagilarga aynan o‘sha o‘prilmalarda ko‘proq qiyinchilik tug‘dirayotgan edi. 
O‘n chog‘lik dushman askari qo‘rg‘onning yon tarafidan yorib kirib, soqchilar bilan devor ustida 
jang qila boshladi. Ularning maqsadi devorning nuragan yeridan qo‘rg‘on ichiga sakrab tushib, 
darvozani ochib yuborish ekanini payqagan qizlar yana tadbirkorlik ko‘rsatishdi – dushman kirib 
kelmasligi uchun lahim atrofiga baland qilib yoqilgan gulxanlar cho‘g‘ini tog‘ora-yu chelaklarda tashib 
kelib, nuragan devor ostiga to‘kishaverdi. 
Soqchilarni ikki yoqqa qisib, shosha-pisha devordan sakragan qora papoqlilar birin-ketin tizza 
bo‘yi cho‘g‘ga yiqilib, dodlay desa nafasi tiqilib, qaynatma sho‘rvadagi go‘shtdek irg‘ishlab, alamdan 
o‘zini-o‘zi tishlab, sal o‘tmasdan tagi kuygan qozonkabobga o‘xshab qolishdi. 
Qizqo‘rg‘ondagilarning hayoti qil uchida turgan mazkur vaziyatda ham Oshiqbolaning ko‘ngli 

---

Anvar Obidjon. Meshpolvonning janglari (qissa)