Microsoft Word anvar obidjon meshpolvonning janglari lotin ziyouz com doc

www.ziyouz.com kutubxonasi 
93
aylantirib, «yor-yor»ni avjga chiqarishdi. To‘yda kuyovning tug‘ishganlari yo‘qligi bois kelinsalom 
aytishga ularning tili bormayotgan edi. Buni payqagan Meshpolvon o‘zini tiyib turolmadi. 
Dasturxondagi bo‘sh barkashni olib, uni «dangir-dung, dangir-dung» chalganicha oqsab-to‘qsab 
o‘rtaga chiqdi-da, ovozining jilovini bo‘shatib kuylay ketdi: 
Nos chekishga berilgan, 
Kampiriga kerilgan, 
Salom-salom, kelin salom, 
Qaynatasiga bir salom. 
Sirini to‘yda ochayin, 
Qozon-tovoqqa xo‘jayin, 
Salom-salom, yana salom, 
Qaynanasiga bir salom. 
Atrofdagilar ham qondoshlarning yo‘qligini bildirmay, biri «e, qullug‘-e», boshqasi «boy bo‘lsin 
kelin», deb turishdi. Bolalar esa har bir kelinsalomdan keyin Chumakvoy rahbarligida «ha-heyy», deya 
qiyqiriq ko‘tarishardi... 
Qimmat ro‘mol o‘ragan, 
Saqichni qarzga so‘ragan, 
Salom-salom, kelin salom, 
Qayinsingillarga salom. 
Ikkala ko‘zi go‘laygan, 
Chumchuqqa pichoq do‘laygan, 
Salom-salom, yana salom, 
Qaynog‘asiga bir salom. 
– Mayli, hozircha o‘zim qaynog‘a bo‘pturay, – deya iljayib qichqirdi Rayhon qiziq. – Pochcham 
pichoqni cho‘zib qo‘ysin
22
. 
O‘smani chaplab surishgan, 
Tilini qayrab turishgan, 
Salom-salom, kelin salom, 
Ovsinlariga bir salom. 
Kuyovga qo‘shilib dovdirar, 
Qizlarga ko‘zi jovdirar, 
Salom-salom, yana salom, 
Kuyovnavkarlarga salom. 
Joyni tepadan talashgan, 
Oshtovoqni yalashgan, 
Salom-salom, kelin salom, 
Mehmonlarga bir salom. 
22
Одатга кўра куёв қайноғаларига пичоқ совға қилади. Айтишларича, қайноға мабодо куёвга эскидан қасддор бўлса, уни 
ўзи берган пичоқда ўлдиролмас эмиш. 

---

Anvar Obidjon. Meshpolvonning janglari (qissa)