Microsoft Word dinda savol2 ziyouz com doc

 
Savol: Masjidimiz katta yo‘l ustida bo‘lgani uchun ko‘pincha musofirlar 
yo‘lakay namozga kirib turishadi. Ichlarida ilmlilari bo‘lsa, imomlikka 
o‘tkazamiz. Shunda biz muqimlar namozimizni qanday ado etishimiz 
kerak? 
Javob: Namoz to‘rt rakatli bo‘lsa musofirga iqtido qilgan muqim lohiq odam kabi ado 
qiladi, ya’ni musofir imom to‘rt rakatli namozning ikki rakatini o‘qib, salom berganidan 
keyin, unga iqtido qilgan muqim qiyomga turadi va bir tasbeh aytish miqdori qiyomda 
turib (hech narsa o‘qimasdan) ruku’ va sajda qiladi, oxirgi to‘rtinchi rakatni ham 
shunday ado etib, tashahhud, salavot va duo o‘qib namozni tugatadi. («Muxtasar-ul 
viqoya», «Hadiyatus su’luk» kitoblari asosida tayyorlandi). 
 
Savol: Eshitishimcha ba’zi masjidlarda ba’zi kishilar muayyan joyda 
namoz o‘qishar ekan. Hatto boshqa kishi u joyda o‘tirsa, turg‘izib o‘zi 
o‘tirar ekan. Shu to‘g‘rimi? 
Javob: Masjidda muayyan joyni namoz o‘qishga o‘ziga xos qilib olish makruhdir. 
Masjid hech bir kishining mulki emas. Shuning uchun undagi muayyan joyni o‘ziga 
xoslab olishni ba’zi ulamolar, xatto ulkan gunoh hisoblaganlar (Nihoya). 
 
Savol: Junubning masjidga kirishi makruh ekan, ammo mushrik 
masjidga kirishdan qaytarilmaydi, deb eshitdim. Sababini aytsangiz. 

---

Dinda savolim bor. 2-kitob 
www.ziyouz.com kutubxonasi 
12
Javob: Junubni masjidga kirishdan qaytarishdan maqsad uni tezroq g‘usl qilib pok 
bo‘lishga undashdir. Mushrik masjidga kirishdan qaytarilsa, iymondan uzoqlashadi. 
Shuning uchun mushrik masjidga kirishdan qaytarilmaydi. (Ashboh va Nazoir). 
Savol: Yaqinda qo‘shnimiz kun botishidan oldin vafot etdi.