Microsoft Word +++Jinoyat huquqi Umum. Rustambayev 2006. doc

Birinchi bo‘lim – “Shaxsga qarshi jinoyatlar”. Bu avvalgi 
kodekslardan farqli ravishda jamiyatimizda huquqiy, demokratik 
tamoyillarini amalga oshirish yo‘lida jamiyat va davlatning ijtimoiy-
iqtisodiy, siyosiy va madaniy xayotida insonning mavqei yuqori darajaga 
ko‘tarilganligidan dalolat beradi. Respublikamiz Jinoyat kodeksi Maxsus 
qismida shaxs xayoti, sog‘ligi ozodligi, shani va qadr qimmatiga qarshi 
jinoyatlarning birinchi o‘ringa qo‘yilganligi va ular uchun ancha og‘ir 
jazolar belgilanganligi O‘zbekiston respublikasining BMT azosi sifatida 
1948 yil 10 dekabrda qabul qilingan “Inson huquqlari Umumjahon 
Deklaratsiyasi”da ko‘rsatilib o‘tilganidek, inson haq-huquqlarini himoya 
qilish majburiyatiga amal qilayotganligi, shu bilan birga, 
Konstitutsiyamizning 2-, 13-, 18-moddalarida ko‘rsatilgan normalarga 
izchil rioya qilinayotganligining yaqqol namunasidir. Bu bo‘lim quyidagi: 
hayotga qarshi jinoyatlar (1 bob), sog‘liqqa qarshi jinoyatlar(2 bob), xayot 
yoki sog‘liq uchun xavfli jinoyatlar (3 bob), jinsiy erkinlikka qarshi 
jinoyatlar (4 bob), oilaga, yoshlarga, va axloqqa qarshi jinoyatlar (5 bob), 
shaxsning ozodligi, shani va qadr qimmatiga qarshi jinoyatlar (6 bob), 
fuqarolarning konstitutsiyaviy huquq va erkinliklariga qarshi jinoyatlar(7 
bob);  
ikkinchi bo‘lim – “Tinchlik va xavfsizlikka qarshi jinoyatlar” 
tinchlik va insoniyat xavfsizligiga qarshi jinoyatlar (8 bob), O‘zbekiston 
Respublikasiga qarshi jinoyatlar (9 bob); 
Uchinchi bo‘lim – “Iqtisodiyot sohasidagi jinoyatlar” bo‘limida 
avvalgi Jinoyat kodekslaridan farqli o‘laroq, mulkning hamma turlariga 
nisbatan sodir qilingan jinoyatlar uchun bir xilda jazo belglanadigan bo‘ldi 
Bu bo‘lim quyidagi tartibda tashkil topgan: o‘zgalar mol-mulkini talon-
taroj qilish bilan bog‘liq jinoyatlar (10 bob), o‘zgalar mulkini talon-taroj 
qilish bilan bog‘liq bo‘lmagan jinoyatlar (11-bob), iqtisodiyot asoslariga 
qarshi jinoyatlar (12 bob), xo‘jalik faoliyati sohasidagi jinoyatlar (13 bob);