Microsoft Word Меҳнат лотинда о м doc O‘zbekiston respublikasi ichki ishlar vazirligi

ishlar organlarida xizmat qilish haqidagi shartnoma O‘zbekiston
Respublikasining fuqarolari bilan O‘zbekiston Respublikasi Ichki ishlar
vazirligi nomidan ichki ishlar tegishli organining boshlig‘i, respublika
Ichki ishlar vazirining vakili tomonidan tuziladi.
Fuqaro ichki ishlar organlarida xizmat qilishga doir shartnoma
bo‘yicha o‘z zimmasiga yuklatilgan xizmat vazifalarini bajarishga

---

77
majbur, Ichki ishlar vazirligi esa unga barcha turdagi ta’minot, huquq,

imtiyozlarni ta’minlash va amaldagi qonunlar hamda shartnomada ko‘zda
tutilganidek ichki ishlar organlarida xizmat qilish shart-sharoitini yaratish
majburiyatini oladi.
Shartnomada tomonlar o‘z zimmalariga olgan majburiyatlarini
bajarmaganliklari sababli yuz beradigan yuridik oqibatlar aks ettiriladi.
Shartnomaning shakli va shartlari O‘zbekiston Respublikasining Ichki
ishlar vaziri tomonidan tasdiqlanadi.
Xodim ichki ishlar organlarida xizmatda bo‘lishning nafaqaga chiqish
yoshiga yetgandagina yoki noma’lum sabablar, shuningdek boshqa
muassasaga o‘tish munosabati bilan ana shu tashkilot, korxona yoki
organdan tegishli iltimosnoma bo‘lgan taqdirdagina bo‘shatilishi mumkin,
deb hisoblab kelingan.
Muvaqqat Nizomda shaxsiy iltimos bilan bo‘shash ham ko‘zda
tutilgan, buning uchun xizmatdan ketmoqchi bo‘lgan xodim ikki oy oldin
asosli sabablari ko‘rsatilgan tegishli bildirgini topshirishi kerak.
Tayinlangan muayyan lavozim talablariga xodimning kasbiy
qobiliyati muvofiq kelish darajasini uzil-kesil aniqlashda uning tezkor
xizmat vazifalarini muvaffaqiyatli bajarishi hamda o‘z ishining o‘ziga xos
jihatlarini chuqur o‘rganishi uchun muvaqqat Nizomda uch oydan to bir
yilga qadar tayyorgarlik va lavozim darajasi bo‘yicha sinov muddatini
o‘tash tartibi belgilangan.
O‘zbekiston Respublikasining ichki ishlar organlariga yangi qabul
qilingan xodimlarni egallagan lavozimiga to‘la ijobiy yondasha olishini
aniqlash, ularga yuklatilgan vazifalarni bajara olish qobiliyatini o‘rganib
chiqish va amaliy ko‘nikmaga ega bo‘lishi uchun berilgan ma’lum bir
muddat (bir yil) sinov muddati hisoblanadi.
Sinov muddati ichki ishlar organlariga birinchi bor qabul qilingan
barcha xodimlarga o‘rnatiladi. Ularning egallagan lavozimlaridan qat’i
nazar va ichki ishlar organlariga qayta (bo‘shagunga qadar ishlagan
lavozimidan boshqa lavozimga) tiklangan hamda ichki ishlar
organlaridagi oddiy boshliqlar tarkibiga kiruvchi xodimlar o‘rta va katta
boshliqlar lavozimlariga tayinlanganlarida, ma’lumotlari egallagan
lavozimlariga to‘g‘ri kelmaganda o‘rnatiladi.
Quyidagi shaxslar sinov muddatidan ozod etiladilar: 
– ichki ishlar organlari xizmatidagi kichik boshliqlar tarkibidan o‘rta
va katta boshliqlar tarkibiga o‘tkazilgan va egallagan lavozimlari bo‘yicha
ma’lumotga ega bo‘lgan xodimlar;

---

78
– ichki ishlar organlari safidan bo‘shatilgan va yana yangidan

xizmatga qabul qilingan xodimlar, agarda ular ilgari ishlab ketgan xizmat
sohasi bo‘yicha xizmatga qabul qilinayotgan bo‘lsalar;
– O‘zbekiston Respublikasi Ichki ishlar vazirligi o‘quv yurtlarining
bitiruvchilari;
– Oliy o‘quv yurtlarini tugallagan va Davlat komissiyasi tomonidan
xizmatga yo‘llanma orqali yuborilgan shaxslar;
– Ichki ishlar organlarining moliya-iqtisod va tibbiyot tizimlarining
oddiy va boshliqlar tarkibi lavozimlariga xizmatga qabul qilinganlar.
Sinov muddati bir marotaba o‘rnatiladi va uzaytirilmaydi.
Muvaqqat Nizomda oddiy xodimlar va kichik boshliqlar tarkibini
butlashning shartnoma (kontrakt) normasining joriy etilishi ana shu
toifaga mansub xodimlarni xizmatga tanlab olish tartibini huquqiy
himoyalash va demokratiyalashga yordam berishi kerak. Bu esa
shartnoma tuzuvchi tomonlarning shartnoma shartlaridan kelib chiqadi-
gan o‘zaro mas’uliyatlarini oshiradi.