Microsoft Word nurul izoh ziyouz com doc

www.ziyouz.com kutubxonasi 
99
7. Tijorat mollarini ta’riflab, ular uchun qachon zakot berish lozimligini ayting. Alohida-alohida 
turdagi tijorat mollarining zakoti qanday beriladi? Tijorat mollarining zakotini berish uchun lozim 
bo‘lgan shartlarni tushuntirib bering. 
8. Ushr va xirojga tortiladigan yerlarni ta’riflang. Har ikkisi uchun lozim bo‘lgan zakot miqdorini 
hamda ushr berilishi lozim bo‘lgan yerlarda zakotning vojib bo‘lish shartlarini sanab bering. 
9. Ma’dan, xazina va yerosti boyliklari orasidagi farqni tushuntirib, har birining hukmlarini aytib 
bering. 
10. Nisob miqdoridagi mulkka ega bo‘lgan kishi ikki yil yoki yanada ko‘proq yillarning zakotini 
vaqtidan avval berishining hukmi nima? Vafot etgan kishidan qolgan mulkdan qanday hollarda zakot 
beriladi? 
11. Yil o‘rtasida yuzaga kelgan qarzdorlik xususidagi Ixtilofni tushuntiring. Shuningdek, yil 
o‘rtasida qo‘lga kiritilgan boylikning hukmini bayon qiling. 
12. Zakot beradigan kishi zakot niyatida faqirlardagi qarzidan kechib yuborishining hukmi nima? 
Zakot berish vojib bo‘lgan, lekin talofatga uchragan mulkning hukmini izohlab bering. 
13.Zakot berishi mumkin bo‘lgan kishilarni sanab bering va har bir toifani ta’riflang. Qalblarini 
Islomga og‘dirish istalgan kishilarga nima uchun zakot beriladi? 
14.Fitr sadaqasini ta’riflab, hikmatini, sababini, ruknini, vojib bo‘lish shartlarini, vojib vaktini va 
qanday turdagi narsalardan berish mumkinligini hamda berish lozim bo‘lgan miqtsorning qancha 
ekanligini tushuntirib bering. Kishi nima uchun fitr sadaqasi berishi lozim? Fitr sadaqasining qiymatini 
berish joizmi? Fitr sadaqasi kimlarga beriladi? 
 

---

Nurul Izoh 
www.ziyouz.com kutubxonasi 
100
HAJ KITOBI 
"Haj" so‘zining lug‘aviy ma’nosi qasd qilish demakdir. Shar’iy istilohda esa, maxsus amallarni 
ma’lum bir joyda, muayyan bir vaqtda ado etishni qasd qilishdir. 
Izoh: Maxsus joy Ka’ba va Arafotdir, muayyan vaqt esa, haj mavsumi, ya’ni Shavvol, Zulqa’da va 
Zulhijja oyining ilk o‘n kunidir. Maxsus amal esa, Baytullohni tavof qilish hamda Arafotda turishidir.