Microsoft Word sahih muslim1 ziyouz com doc

 
30-bob Junublik holatida va boshqa paytlarda ham Allohni zikr etish haqida 

---

Sahihi Muslim (birinchi kitob). Imom Muslim 
www.ziyouz.com kutubxonasi 
141
647/1. Oisha roziyallohu anhodan rivoyat qilinadi. Bu onamiz: «Rasululloh sollallohu 
alayhi vasallam barcha paytlarda Allohni zikr qilaverardilar», dedilar. 
 
 
31-bob Betahorat ovqat yeyishning joizligi, bunda karohiyat yo‘qligi hamda 
hojatxonadan chiqilgan zahotiyoq tahorat shart emasligi haqida 
648/1. Ibn Abbos roziyallohu anhudan rivoyat qilinadi. Rasululloh sollallohu alayhi 
vasallam hojatxonadan chiqqanlarida taom olib kelindi. Shunda u zot uchun tahorat qilib 
olishlari eslatildi. Rasululloh sollallohu alayhi vasallam: «Namoz o‘qishni xohlasam, o‘sha 
paytda tahorat qilaman», dedilar. 
649/2. Ibn Abbos roziyallohu anhudan rivoyat qilinadi. «Biz Rasululloh sollallohu alayhi 
vasallam huzurlarida edik. U zot hojatxonaga (borib) keldilar. Oldilariga taom qo‘yildi va 
u zotga «Tahorat qilib olmaysizmi?» deyilgan edi, «Nima uchun, namoz o‘qirmidim? 
Agar namoz o‘qiydigan bo‘lsam, tahorat qilaman», dedilar». 
650/3. Abdulloh ibn Abbos roziyallohu anhudan rivoyat qilinadi. Rasululloh sollallohu 
alayhi vasallam hojatxonaga ketib, qaytib kelganlarida u zot uchun taom tortiq qilindi. 
Hamda: «Ey Allohning rasuli! Tahorat qilib olmaysizmi?» deyishganida, u zot: «Nimaga, 
namoz uchunmi?» dedilar. 
651/4. Ibn Abbos roziyallohu anhudan rivoyat qilinadi. Rasululloh sollallohu alayhi 
vasallam hojatxonadan bo‘shanib chiqqanlarida u zotga taom tortiq qilindi. Undan 
tanovul qilib suv ushlamadilar. 
Amr ibn Dinor roziyallohu anhu Said ibn Huvayris roziyallohu anhudan qilgan 
rivoyatlarida quyidagilar ziyoda qilindi: «Rasululloh sollallohu alayhi vasallamga: «Siz 
ovqatdan oldin tahorat qilmadingiz-a?» deyilganida, u zot: «Men namoz o‘qishni 
xohlamadim-da, agar xohlasam, tahorat qilaman», dedilar». 
Amr roziyallohu anhu Saiddan bu hadisni eshitganlarini gumon bilan aytdilar.