23
Rawajlanıw teoriyası.
Bu`gingi ku`nde adamnın` psixikalıq rawajlanıwı boyınsha ulıwma tu`sinik
beriwshi belgili bir anıq teoriyag`a iye emes. Sonlıqtan-da, jas da`wirler haqqında tolıq
bir tu`sinikke iye bolıwı ushın, bir neshe teoriyalar menen tanısıp shıg`amız.
1.1. Psixoanalitik teoriyası.
Onın` predmeti – insan emotsiyası ha`m qarım-qatnas.
E.Erikson (1902-1979) adamnın` turmıs jolın qamtıwshı, jeke adamnın`
psixosotsiollıq rawajlanıwının` 8 stadiyasın ko`rsetip o`tedi. Ha`r bir adam o`zgeshe
krizisti o`zinde basıp o`tedi, bul o`z gezeginde sana ha`m psixika arasındag`ı konflikti
payda etedi.
1. Do`gerek - a`tiraptag`ı a`lemge isenim – isenimsizlik (0-1 jas);
2. Uyat ha`m gu`manlanıw sezimi – g`a`rezsizlik sezimi (1-3 jas);
3. Ayıp sezimi – initsiativnost` (aldıg`a ha`reketshen`lik);
4. Miynetsu`yiwshilik – tolıq bahalanbaw sezimi (6-11 jas);
5. Belgili bir jınısqa tiyisli ekenligin tu`siniw – bul jınısqa tiyisli ha`reketlerdi
tu`sinbewi (6-11 jas);
6. intim qarım-qatnasqa umtılıwı – do`gerek a`tiraptag`ılardan o`zin qadag`an etiw
(erte erjetiw).
7. o`mirdegi belsendilik - o`zine dıqqat awdarıw, jasına say mashqalalar (normadag`ı
erjetiw);
8. o`mir toqlıg`ın seziw – u`mitsizlik (kesh erjetiw)
Do'stlaringiz bilan baham: