Microsoft Word Улыума касиплик

Mektepte  oqıwshılar  menen  o`tkiziw  olardın`  oqıw  rejesine  tiykarlanıp, 

ha`ptesine  bir  ma`rtebe,  eki  saat  dawamında  orınlaw  kerek.  En`  a`hmiyetli 

talaplardın`  biri  bul  sır  saqlanıwdı  aytıw.  Eger  shınıg`ıwdı  video  yaki  audioda  jazıw 

lazım bolsa, ol halda trening qatnasıwshılardan ruxsat alıwlar kerek.  

Trening dawamında psixolog orınlawı sha`rt bolg`an isleri. 

  So`ylesiw  ju`rgiziwdi  sho`lkemlestiriw  ha`m  is  toparı  ushın  qag`ıyda  islep 

shıg`ıw. 

  O`tkiziletug`ın  trening  shınıg`ıwlardın`  maqsetin  tu`sindiriw,  na`wbettegi 

shınıg`ıw (instuktsiyasın) tu`sinikli qılıp jetkerip beriw. 

  Na`wbettegi  shınıg`ıwlar  mazmunın  trening  maqseti  tiykarında  analiz  qılıw. 

Qatnasıwshılar  sorawlarına  juwap  beriw,  olar  orınlap  atırg`an  jumıstı  baqlap 

barıw. 

  Qatnasıwshılardın`  emotsional  awhalın  baqlap  barıw,  psixologiyalıq  ja`rdem 

ko`rsetiw. 

  Ha`r bir shınıg`ıwdı tamamlap, talqılaw. 

 

Psixokorrektsiyada psixologiyalıq trening o`tkiziwdin` 

sha`rt-sharayatları ha`m talaplar. 

Psixolog  jumıs  ornında  og`an  arnalg`an    xana  bolıwı  tiyis.  Xana  jaqtılı,  ıqsham, 

taza  ha`m  diywaldın`  bir  shetinde  fotooboy  yaki  peyzajli  kartina  bolıwı  kerek.  Xana 

qaran`g`ı  yaki  yarım  qaran`g`ı  ha`m  jaqtılı  qıla  alıw  imkanı  barlıg`ı,  ja`ne  tez-tez 

hawasın  o`zgertip  turıw  imkaniyatına  iye  bolıw  kerek.  Xana  diywalı  ashıq  jasıl  ren`, 

terezelerde shıraylı perdeler tag`ılg`an, jumsaq kreslo bolsa maqsetke muwapıq boladı.  

---

 

19

  

Psixologiyalıq treningde qatnasıwshılardı trening printsipleri   menen tanıstırıw,  is 

toparının`  qag`ıydalarının`  idealların  anıqlap  alıw  za`ru`r.  Qatnasıwshılarg`a  o`zin 

diagnostika  qılıwg`a  ja`rdem  beriw.  Trening  shınıg`ıwlarında  qatnasıwshılar  ushın  o`z 

u`stinde    erkin  islewine  ja`rdem  beriwimiz  kerek.  Olar  o`zlerinin`  aldına    qoyılg`an 

maqsetlerin  konkretlesiwine  ja`rdem  beriw.  Bul  ushın  mına  ma`selelerdi  ja`mlew  kerek 

boladı.    a)  ma`lim  sotsial-psixologiyalıq  bilimlerdi  iyelew.        b)    o`zin  ha`m  basqalardı 

adekvat,  tolıq  tu`siniwdi  rawajlandırıw.      v)  shaxs  o`zgesheligindegi  nuqsanlardı  joq 

etiw,  olardı  diagnostika  qılıw,  jumısqa  keri  ta`sir  etiwshi  tosıqtı  joq  etiw.      g)    shaxslar 

ara  mu`na`sibetlerdin`  individual  usulların  u`yreniw  ha`m  olardı  na`tiyjeli  qollaw.  

Trening dawamında qatnasıwshını ondag`ı o`zgesheliklerine ta`biyi rawishde qızıqtırıw. 

Shaxs  o`zgeshelikleri  ma`jbu`riy  unamlı  ta`repke  o`zgermeydi,  sonın`  ushın  da 

qatnasıwshılardan o`zgeriwdi talap qılmawımız kerek. 

O`z-ara  mu`na`sibette  dialog  printsipi.  Bunda  trening  dawamında  shaxslar  ara 

so`ylesiwlerdi  u`yreniw,  qatnasıwshılar  arasında  hu`rmet,  isenimdi  payda  etiwdi 

ta`miyinlew. 

Sorawlar: 

  Psixologiya pa`ni ne haqqında pa`n? 

  Psixolog kim? 

  Psixologiyalıq xızmet haqqında neni bilesiz? 

  Psixologtın` wazıypalarına neler kiredi? 

  Psixologiya xızmetinin` tiykarg`ı bag`darların ko`rsetin`: 

Paydalang`an a`debiyatlar: 

1. Uzbekiston Respublikasi «Ta`lim xaqida»gi  Qonuni, T., 1997 y. 

2. «Kadrlar tayyorlashning milliy dasturi», T., 1997 y. 

3. İ.A.Karimov «Yuksak ma`naviyat – engilmas kuch», T., 2008 y. 

4. R.S.Nemov «Psixologiya» v 3-x knigax, M., 1998 g. 

5. G.S.Abramova «Vozrastnaya psixologiya», M.,2000 g. 

6. G.S.Abramova «Prakticheskaya psixologiya», Ekaterinburg, 1998 g. 

7. B.İ.Badmaev «Psixologiya v rabote uchitelya», Kniga  2. M.: «Vlados»,  2000 g. 

8. V.Karimova «Psixologiya», T., 2002 y. 

9. M.G.Davletshin «Umumiy psixologiya», T., 2000 y. 

10. E.Goziev    «Psixologiya»,  T., «Ukituvchi»,  1994 y.