Microsoft Word Umumiy soliqlar va soliqqa tortish rtf rtf

Soliqqa tortishning so-
liqlarni yig‘ish jarayo-
nini imkon qadar ar-
zonlashtirish tamoyili
Soliqqa tortishning so-
liq stavkalarini qiyos-
lash tamoyili

---

46
2. Soliqlar va boshqa majburiy to‘lovlar aniq bo‘lishi kerak. Soliq 
to‘g‘risidagi qonun hujjatlarida har bir soliq to‘lovchi qaysi soliqlar va 
majburiy to‘lovlarni qachon, qancha miqdorda hamda qay tartibda 
to‘lashi kerakligini aniq biladigan tarzda ifodalangan bo‘lishi kerak. 
Soliqlar va boshqa majburiy to‘lovlarni belgilashda, soliq to‘lovchilar, 
shuningdek, soliqlar va boshqa majburiy to‘lovlarning elementlari 
aniqlangan bo‘lishi kerak (7-modda). 
3. Soliq solish umumiydir. Soliqlar va boshqa majburiy to‘lovlar 
bo‘yicha imtiyozlarni belgilash ijtimoiy adolat prinsiplariga mos bo‘lishi 
kerak (8-modda). Soliqlar va boshqa majburiy to‘lovlar kamsitish 
xususiyatiga ega bo‘lishi mumkin emas hamda ijtimoiy, irqiy, milliy, 
diniy va boshqa shu kabi mezonlardan kelib chiqqan holda qo‘llanilishi 
mumkin emas. 
4. Soliq tizimi O‘zbekiston Respublikasining butun hududida barcha 
soliq to‘lovchilarga nisbatan yagonadir (9-modda). O‘zbekiston 
Respublikasining bojxona hududi doirasida tovarlarning (ishlarning, 
xizmatlarning) yoki moliyaviy mablag‘larning erkin muomalada bo‘lishini 
bevosita yoki bilvosita cheklab qo‘yadigan soliqlar va boshqa majburiy 
to‘lovlar belgilanishiga yo‘l qo‘yilmaydi. 
5. Soliq solish masalalarini tartibga soluvchi normativ-huquqiy 
hujjatlar rasmiy nashrlarda e’lon qilinishi shart (10-modda). Barchaning 
e’tibori uchun rasmiy e’lon qilinmagan normativ-huquqiy hujjatlar kuchga 
kiritilmagan hujjat sifatida huquqiy oqibatlarni keltirib chiqarmaydi va 
soliq sohasidagi munosabatlarni tartibga solishga, ulardagi ko‘rsatmalar 
bajarilmaganligi uchun biron bir sanksiyani qo‘llashga asos bo‘lib xizmat 
qilishi mumkin emas. 
6. Soliq to‘g‘risidagi qonun hujjatlaridagi bartaraf etib bo‘lmaydigan 
barcha qarama-qarshiliklar va noaniqliklar soliq to‘lovchining foydasiga 
talqin qilinadi (11-modda). 
Soliqqa tortish tamoyillari va soliq qonunchiligi prinsiplari ma’lum 
o‘xshashlikka ega bo‘lib, ularni amaliyotga tatbiq etish iqtisodiyotni 
yanada rivojlantirishning muhim vazifalaridan hisoblanadi.