Microsoft Word Yangi texn doc

Dolzarblikni asoslash – ta’lim va tarbiya nazariyasi hamda amaliyotining 
istiqboldagi taraqqiyoti muammolarini o’z vaqtida o’rganish va hal qilish zarurligini 
ko’rsatish. 
Dunyoqarash – shaxsning tafakkur tarzi va yo’nalishini aks ettiruvchi 
qarashlar, e’tiqod va fikr-o’ylar tizimi. 
Idrok etish malakasi – boshqa subyektning xususiyatlarini – uning muloqoti 
va muloqotga hozirligini aniqlash uchun zarur bo’lgan kasbiy – pedagogik malaka. 
Ideal – oliy maqsad, biror narsaning namunasi, shaxs, guruhlarning xatti-
harakatlari, intilishlari intihosi. 
Ijtimoiy idrok etish – kishilar tomonidan ijtimoiy obyektlarning idrok 
etilishi, tushunilishi va baholanishi. 
Izohlash, tushuntirish – og’zaki izoh, yoritilishi lozim bo’lgan turli 
materiallarni izohlash, isbotlash, tahlil qilish. 
Ilmiy muammo (masala) – fan orqali hal qilinadigan asosiy ziddiyatlar. 
Ilmiy yangilik – muayyan davrga nisbatan ma’lum bo’lmagan va 
pedagogikaga oid adabiyotlarda qayd qilinmagan nazariy va amaliy xulosalar, ta’lim 
qonuniyatlari, uning tuzilma va mexanizmlari mazmuni, tamoyillari va 
texnologiyalari. 
Individuallik – shaxsning betakror biososiologik xususiyatlari. 
Intellekt – shaxsning turli faoliyat turlarini muvaffaqiyat bilan 
o’zlashtirishini belgilaydigan tug’ma va o’zlashma barcha aqliy qobiliyatlar to’plami.