Milliy arxeologiya markazi

Tadqiqotning dissertatsiya bajarilgan ilmiy-tadqiqot muassasasining ilmiy-tadqiqot ishlari rejalari bilan bog‘liqligi. Tadqiqot ishi O‘zbekiston Fanlar Akademiyasi Milliy arxeologiya markazi “Landshaft arxeologiyasi” bo‘limining “Tarixoldi davrida kishilikning tevarak-muhitga moslashuvi va tabiiy zahiralardan foydalanish” mavzusidagi besh yillik ilmiy tadqiqot ishlari rejasiga kiritilgan.
Tadqiqotning maqsadi o‘rta paleolit davri Muzbel, Xatak va Angillak makonining arxeologik materiallarini ochib berish, yodgorlikning madaniy-davriy xususiyatlarini va bu yerda yashagan ibtidoiy jamoalarning ijtimoiy-iqtisodiy va kundalik turmush tarzini hamda tosh xomashyosidan foydalanish strategiyalarini aniqlashdan iborat.
Tadqiqotning vazifalari: tadqiqotning vazifalarini quyidagicha tasniflash mumkin:
- yangi topib o‘rganilgan o‘rta paleolit davri Muzbel va Xatak yodgorliklari topilmalarini tahlil qilish;
- o‘rta paleolit davri Muzbel, Xatak va Angillak yodgorliklari kolleksiyalarini petrografik tahlilini o‘takazish;
- xomashyo manbalari va paleolit davri yodgorliklari o‘rtasidagi hududiy bog‘liqlik o‘rganish;
- O‘zbekiston hududida o‘rta paleolit davri manzilgohlari joylashuvi va industriyalarini shakllanishida tosh xomashyosidan foydalanish strategiyasining ahamiyatini ko‘rsatib berish;
- manzilgohlar texnokomplekslarini tahlil qilish orqali transportirovka usullari va ehtimoliy transportirovka yo‘nalishlarini aniqlashtirish;
- tosh xomashyosidan foydalanishning hududiy, davriy va ijtimoiy-madaniy guruhlar doirasidagi o‘xshash va farqli xususiyatlarini aniqlash;
- yodgorliklarda toshga ishlov berish jarayoni bosqichlarini aniqlash hamda ularni vazifasiga ko‘ra tasniflash;
- xom-ashyoning ijtimoiy-iqtisodiy, madaniy va xo‘jalik turmush tarziga ko‘rsatgan ta’siri o‘rganish.
Tadqiqot ob’ekti. O‘rta paleolit davri Muzbel, Xatak va Angillak yodgorliklari, ulardan topilgan tosh artefaktlar kolleksiyasi tadqiqot ob’ekti hisoblanadi.