Минг қуёш шуъласи

ЎН ЕТТИНЧИ БОБ
Мар ямнинг хонасида Залмай инжиқлик қи-
лишни бошлади. Аввал то Мар ямдан дакки 
эшитмагунча коптогини деворга уриб ўйнади. 
Гап эшитгач, ғингшиб хархаша қилди. Кейин 
эса, Мар ям билан келишиб олишди чоғи, «тез ёр-
дам» ўйинчоқ машинасини бир-бирларига томон 
ҳайдай бошлашди. 
Залмай боя Тариқнинг ёнидан коптогини 
бағрига босганча, бошмалдоғини сўриб (ўта 
дарғазаблик белгиси) ўтди. Шу аснода Тариққа 
кибр билан қараб қўйди. 
– Бу одам ким ўзи? – дея қайта-қайта сўрарди 
у Мар ямдан. – Ёмон одамга ўхшаяпти у. 
Мар ям «бу одам»нинг ойиси билан бирга катта 
бўлганини энди тушунтира бошлаганди, Залмай 
эшитишни ҳам истамади. Машинасини у ёқдан 
бу ёққа асабий юрғизаркан, энди коптогини то-
пиб беришни сўради. 
– Қани коптогим? Қаерга яширдингиз дадам 
олиб берган коптогимни? Қани, қани, қани? – 
унинг овози тобора таҳдидли тус ола бошлади. 
– Ҳозир шу ерда эди, – уни тинчлантиришга 
уринди Мар ям. 

---

223
Минг куёш шуъласи
,
– Йўқ, у йўқолиб қолган, – бақиришга тушди 
Залмай. – Қани коптогим? Топинг! 
– Мана, – Мар ям шкафнинг тагидан коп токни 
олиб узатди. 
– Йўқ, бумас, у бошқачайди, – ер тепинди 
Залмай. – Ўзимники қани? Ўзимнинг коптогим! 
Қани, қани, қани?
Шу пайт Лайло кириб, ўғлининг нам ёноқ ла-
рини артди, жингалак сочларини силади, қу-
лоғига нималарнидир оҳиста пичирлади. Мар ям 
хонадан чиқиб, зина олдида тўхтади. Юқоридан 
Тариқнинг, полда ўтирган Тариқ нинг мошранг 
шалвари остидан узун-узун икки оёғи (бири 
ҳақиқий, бири протез) кўриниб турарди. Меҳ-
монхонада ҳатто гилам ҳам йўқ, қандай уят! 
Шошма! «Интерконтинентал» меҳмонхонаси-
га Ҳиротга қўнғироқ қилиш учун боришганда, 
эрини илиқ кутиб олган эшик оғаси Мар ямнинг 
кўзига иссиқ кўринганди. Уни аввал қаерда кўр-
ганини энди эслади. Фақат ўшанда унинг боши-
да дўппи, кўзида қора кўзойнак таққан эди. Шу-
нинг учун бирданига уни танимаган бўлса керак. 
Ҳа, ахир орадан нақ ўн йил ўтиб кетди. Ўшанда 
у Мар ямдан сув олиб чиқишни сўраган, пеш-
ма-пеш юзларидан оқаётган терни артганди. 
Ўшанда у дорини шунчаки, хўжакўр синга 
ичган экан-да! У шунча воқеани бу қадар аниқ 
тафсилотлар билан ўйлаб чиқарганига ишониш 
қийин. Рашид Абдул Шариф исмли (балки уму-
ман оти ўчкур бошқачадир) бу кимсага Тариқ-
нинг ўлими ҳақидаги ёлғон маълумотни Лайлога 
етказгани учун қанча тўлади экан? 

---