Mundarija Kirish bob. Muammoni o’rganishning ilmiy nazariy asoslar

Tadqiqotning maqsadi – o’qish va yozuvdagi kamchiliklarni oldini olishning ilmiy nazariy jihatdan o’rganish, eksperimental tadqiq etish va metodik tavsiyalar ishlab chiqish.
Qo’yilgan maqsadga erishish uchun tadqiqot jarayonida quyidagi vazifalar hal etildi:
1. Logopedik, psixologik, neyropsixologik va psixolingvistik adabiyotlarni tahlil qilish asosida nutqida nuqsoni bo’lgan bolalarda yozma nutq buzilishlarini yuzaga kelish sabablarini o’rganish va korreksiyalashga zamonaviy ilmiy-nazariy yondoshuvlarni aniqlash.
2. Nutq nuqsoni bo’lgan bolalarda yozma nutq buzilishlarini yuzaga kelish sabablarini o’rganish yuzasidan ta’kidlovchi eksperiment metodikalarini ishlab chiqish.o’tkazish.
3. Nutq nuqsoni bo’lgan bolalarda yozma nutq buzilishlarini oldini olish yuzasidan tavsiyalar berish.
Tadqiqotning ob’ekti - nutqida nuqsoni bo’lgan bolalar o’qish va yozuvdagi kamchiliklarni oldini olish jarayoni
Tadqiqotningp redmeti - nutqida nuqsoni bo’lgan bolalar o’qish va yozuvdagi kamchiliklarni oldini olish jarayonlarining o’ziga xos xususiyati.
Tadqiqotning metodologik asosini-O’zbekiston Respublikasining Konstitutsiyasi, O’zbekiston Respublikasining “Ta’lim to’g’risida”gi Qonuni (1997-yil), Kadralar tayyorlash milliy dasturi, O’zbekiston Respublikasida ta’limni rivojlantirishning 2005-2010 yillarga mo’ljallangan Davlat dasturi, O’zbekiston Respublikasi Vazirlar Mahkamasi tomonidan qabul qilingan dasturlar, Prezidentimiz I.A.Karimov asarlarida olg’a surilgan ma’naviyat haqidagi g’oyalar, Sharq mutafakkirlarining ma’naviyat, milliy o’zlikni anglash, komil insonni tarbiyalash haqidagi falsafiy – ahloqiy qarashlari, R.E.Levina tomonidan ishlab chiqilgan nutq patologiyasini taxlil qilish printsiplari, nutqni o’rganish va ontogenezda nutqni egallash qonunlari, I.P.Pavlovning “neyro-fiziologik”, L.S.Vigotskiy, N.I.Jinkin, A.R.Luriyalarning “nutq va tafakkur birligi to’g’risidagi psixo-lingvistik kontseptsiya”si, P.Ya.Galperinning “aqliy hatti-harakatlarning bosqichma-bosqich shakllanishi to’g’risidagi nazariya”si, L.S. Vigotskiyning “normal va anomal rivojlanish qonuniyatlarining birligi to’g’risida” gi fundamental ilmiy qoidalari kabilar tashkil etdi.