Mundarija kirish bob. Yevropada ma’rifatchilik davri

MUNDARIJA
KIRISH………………………………………………………………………3
1-Bob. Yevropada ma’rifatchilik davri

1. 
   Ma’rifatchilikning Yevropada yoyilishi………………………………….5
   
2. 
   Ma’rifat davri o’ziga xos xususiyatlari…………………………………..8
   

II-Bob XVII-XVIII asrlarda fransiya ma’rifatchiligi


2.1. XVII asr fransuz adabiyoti………………………………………………20
2.2 XVIII asr fransuz ma’rifatchilik adabiyoti……………………………….28


Xulosa………………………………………………………………………..35

Adabiyotlar ro’yxati………………………………………………………..37

Kirish
Mavzuning dolzarbligi: XVII asr Yevropa tarixidagi murakkab, ziddiyatli va shu bilan birga muhim davr hisoblanadi. Bu davr “o‘tish davri” deb ham ataladi. Feodalizmdan kapitalizmga o‘tish amalga oshirilganligi bois yangi burjuaziya munosabatlari shakllandi. Bular o‘z davri uchun progressiv ahamiyatga ega edi. Lekin burjuaziya munosabatlari ekspluatatsiyaning yangi shakllarini olib keldi. Gollandiya va Angliya Yevropa davlatlari orasida iqtisodiy rivojlanish borasida oldinga chiqib oldi. Bu davlatlarda kapitalizm tez sur’atlar bilan rivojlanganligini ko‘rsatadi. Ispaniya va Portugaliyaning avvalgi iqtisodiy qudratiga putur yetdi. Davlatlardagi progressiv tarixiy rivojlanish hech qanday to‘siqlarsiz amalga oshirildi, deb bo‘lmaydi. Feodal-katolik tartibi G‘arbiy Yevropa xalqlari hayotiga o‘z ta’sirini o‘tkazdi. Bu davrda cherkov tomonidan ko‘rsatiladigan qarshilik kontrreformatsiya deb ataladi. XVII asrda Yevropa ilm-fani katta yutuqlarni qo‘lga kiritdi. Odamlar ongiga katta ta’sir ko‘rsatgan fan yutuqlaridan – Galiley, Kampanella va Kaplerlar tomonidan Olam tuzilishining galeotsentrik tizimini ishlab chiqarilishini ko‘rsatish mumkin. XVII asrda falsafa fanida yanada oldinga siljish ko‘zga tashlanadi. Bekon («Inson insonga dushman»), Spinoza, Dekart («Men fikr qilyapman, demak mavjudman») va boshqa faylasuflar faoliyati shu davrga to‘g‘ri keladi.Davrining ilg‘or vakillaridan bir qanchasi inkvizatsiya qurboni bo‘ldilar. 1619-yil faylasuf Vaninini o‘tda yondirdilar. 1662-yili fransuz shoiri Klod Le Pti qatl etildi. Kampanella o‘z hayotining 33 yilini qamoqda o‘tkazdi. Hayotning murakkablik va qarama-qarshilikka to‘laligi bu davr adabiyotining ham ziddiyatli rivojlanishiga olib keladi. XVII asrda Yevropada renessans realizmi, barokko klassitsizm va shu singari uch asosiy adabiy yo‘nalish baravariga rivojlandi.