Мутахассисларни хорижда тайёрлаш ва ватандошлар билан мулоқот қилиш бўйича “Эл-юрт умиди” жамғармаси Стипендиатларининг хорижда

4-боб. Харажатларни молиялаштириш тартиби

4.1. Стипендиатнинг таълим дастурлари бўйича таълим олиши, жумладан унинг ўқиши, турар-жой, кунлик, ўқув адабиётлари ва шу каби бошқа харажатлар (шунингдек, бошқа зарур тўловлар) тегишли ҳужжатлар билан асослантирилганидан сўнг, Жамғарма Васийлик кенгаши томонидан тасдиқланган “Мутахассисларни хорижда тайёрлаш ва ватандошлар билан мулоқот қилиш бўйича “Эл-юрт умиди” жамғармасининг бир стипендиатига мўлжалланган стипендиясининг энг юқори меъёрини белгилаш ва уларни молиялаштириш тартиби тўғрисида”ги низом асосида молиялаштирилади.

4.2. Шартноманинг ўқиш, турар-жой, кунлик ва ўқув адабиётлари билан боғлиқ қиймати_______________________________________________________ (рақамда ва сўз билан ёзилади) АҚШ долларини ташкил этади ва ушбу харажатлар таркиби мазкур шартноманинг ажралмас таркибий қисми ҳисобланган шартнома иловаси (тўлов ҳисоб-китоби)да келтирилган.
Шартноманинг илова қисмида келтирилмаган тўловлар, яъни авиачипта, суғурта, виза ва шу каби бошқа харажатлар ҳақиқатдаги харажатларга асосан амалга оширилади.
Агарда таълим олиш давомида ўқиш қиймати ўзгарса яъни хорижий ҳамкор ташкилот томонидан оширилса ёки чегирмалар асосида камайтирилса хорижий ҳамкор ташкилот томонидан тақдим этилган тўлов инвойсига асосан қўшимча шартномасиз оширилган ёки камайтирлган қиймат билан тўлаб берилади.
4.3. Жамғарма Асосий кафилга шартноманинг 4.2.-бандида белгиланган Стипендиатга таълим олиш даврида сарфланадиган маблағлар тўғрисида алоҳида маълумотномани ёзма равишда тақдим этади.
Стипендиатнинг таълим олиш даврида унга сарфланган маблағлар (тўловлар) қўшимча оширилган тақдирда, ўқув йили якунида Жамғарма Асосий кафилга қўшимча ёзма маълумотнома беради.
4.4. Стипендиатнинг таълим олиши, яъни турар-жой, кунлик, ўқув адабиётлари ва шу каби бошқа харажатлари Жамғарма томонидан ҳар академик йил (ёки семестр) учун алоҳида тўлаб берилади.

5-боб. Шартномани таъминлашнинг қўшимча шарти

5.1. Стипендиат томонидан шартнома мажбуриятларини бажарилишини таъминлаш мақсадида, Асосий кафил бўлмаган тақдирда Жамғарма банк кафолати ёки суғурта ташкилотининг суғурта полисини талаб қилади.