Namangan davlat universiteti akbarov soxodilla yuldashboyevich

5.6.Hayotni birinchi yilidagi inqiroz
Takrorlash va muhokama uchun savollar:

• 
  Prenatal rivojlanish haqida tushuncha bering?
  
• 
  Go’daklik davrini psixologik tavsiflab bering?
  
• 
  “Jonlanish kompleksi” va uning belgilarini ko’rsating?
  
• 
  Go’daklik davrida sensor va motor rivojlanish haqida tushuncha bering?
  
• 
  Bola 1 yoshga to’lgandan so’ng yuzaga keladigan inqirozli xolatlar?
  

VI bob. Ilk bolalik davri

• 
  6.1. Ilk bolalik davridagi yangilanishlar va rivojlanishning ijtimoiy vaziyati;
  
• 
  6.2. Predmetli faoliyatning shakllanishi;
  
• 
  6.3. Ilk bolalik davrida bilish jarayonlarining rivojlanishi;
  
• 
  6.4. Bolaning kattalar bilan muloqoti;
  
• 
  6.5. Bolaning emotsional sohasi.
  

Tayanch so’zlar: predmetlar olami, ijtimoiy vaziyat, predmetli faoliyat, hamkorlikdagi faoliyat, ko’rish sezgisi, eshitish sezgisi, ko’rish idroki, ixtiyorsiz diqqat, ko’rgazmali-harakat tafakkuri, tiklovchi xayol, faol nutq, o’zaro muloqot, affektiv xolatlar, emotsional soha.

1. 
   Ilk bolalik davridagi yangilanishlar va rivojlanishning ijtimoiy vaziyati
   

Ontogenetik taraqqiyotnning 1 yoshdan 3 yoshgacha kechadigan ilk bolalik davri ham alohida o’rin tutadi, chunki aynan shu davrda predmetlar olami bilan tanishish yuz beradi, atrofdagi kishilar, voqea-xodisalarga nisbatan alohida munosabat va xulq-atvor ko’rinishlari shakllanadi, bola shaxs sifatida ulg’ayadi.
Bolaning tik turib yurishga urinishi, turli narsalar bilan ovunishi va mashg’ul bo’lish imkoniyatlarining kengayganligi, uning kattalarga nisbatan bevosita tobeligini kamayishiga olib keladi, bu esa uning mustaqil harakat qilishi, predmetli faoliyatni egallashi uchun zarur shart-sharoitlar yaratib beradi.

Bolaning tik turib, mustaqil yurishga o’rganishi, uning faoliyat doirasini kengaytiradi, bu esa uning kattalarga bevosita tobelik darajasini kamayishiga olib keladi, uning mustaqil harakat qilishi uchun zarur shart-sharoitlar yaratiladi.