Namangan davlat universiteti n. Sotvoldiyev biznesni tadqiq etish

Biznesni tadqiq etish usullari 
41 
1.3. O’zbekistonda biznesni rivojlantirish to’g’risidagi qonunlar, farmonlar 
va nizomlar 
Har qanday shakldagi korxona joylashgan manzilgohi bo’yicha davlat organlarida 
ro’yxatga olingan kundan boshlab tashkil qilingan hisoblanadi. 
Tadbirkorlik sub’ektlarini davlat ro’yxatiga olish, tegishli ravishda, yustitsiya 
organlari yoki tuman (shahar)lar hokimliklari huzuridagi Tadbirkorlik sub’ektlarini 
ro’yxatga olish inspektsiyalari o’rniga tashkil etilgan "yagona darcha" markazlari tomonidan 
amalga oshiriladi. 
O’zbekiston Respublikasi Prezidentining "Xususiy mulk, kichik biznes va xususiy 
tadbirkorlikni ishonchli himoya qilishni ta’minlash, ularni jadal rivojlantirish yo’lidagi 
to’siqlarni bartaraf etish chora-tadbirlari to’g’risida" 2015 yil 15 maydagi PF-4725-sonli 
Farmonining ijrosini ta’minlash va tadbirkorlik tuzilmalariga zamonaviy axborot-
kommunikatsiya texnologiyalaridan keng foydalangan holda davlat xizmatlarini ko’rsatish 
sifati hamda ulardan foydalanish imkoniyatlarini tubdan oshirish va shaffofligini ta’minlash 
maqsadida tuman (shahar) hokimliklari huzuridagi tadbirkorlik sub’ektlarini ro’yxatdan 
o’tkazish inspektsiyalari negizida tadbirkorlik sub’ektlariga "yagona darcha tamoyili 
bo’yicha davlat xizmatlari ko’rsatish yagona markazlari tashkil etildi. 
Bundan kelib chiqqan holda, vazirliklar, davlat qo’mitalari, boshqa davlat organlari 
va tashkilotlarida mavjud "yagona darcha" xizmatlarining faoliyati 2016 yilning 1 
yanvaridan boshlab to’xtatildi. 
Mazkur xujjatga ko’ra "Yagona darcha" markazlarining asosiy vazifalari etib 
quyidagilar belgilandi: 
"yagona darcha" tamoyili bo’yicha davlat xizmatlarini ko’rsatish; 
tadbirkorlik sub’ektlariga ro’yxatdan o’tkazish, ruxsat berish va litsenziyalash tartib-
taomillarida shaffoflikni ta’minlash; 
tadbirkorlarga davlat xizmatlarini ko’rsatishda byurokratik g’ov-to’siqlarga yo’l 
qo’ymasdan davlat xizmatlari ko’rsatayotgan davlat organlari va boshqa tashkilotlar bilan 
yaqin hamkorlik o’rnatish; 
arizachilarga informatsion yordam ko’rsatish, shuningdek davlat xizmatlarini 
ko’rsatish tartibi va muddatlari to’g’risida bepul konsultatsiya berish. 
Korxonalarni davlat ro’yxatidan o’tkazish tartibi va muddatlarini “Tadbirkorlik 
sub’ektlarini davlat ro’yxatidan o’tkazish va hisobga qo’yish tizimini takomillashtirish 
to’g’risida”gi O’zbekiston Respublikasi Prezidentining 2016 yil 28 oktyabrdagi PQ-2646 
sonli Qarori belgilab beradi. 
Tadbirkorlik sub’ektlarini davlat ro’yxatidan o’tkazish va hisobga qo’yish tartibini 
tubdan takomillashtirish, zamonaviy axborot-kommunikatsiya texnologiyalarini keng joriy 
etish asosida ularning davlat organlari bilan o’zaro munosabatlarida bevosita muloqot 
qilmaydigan shakllaridan foydalanishni jadal rag’batlantirish maqsadida mazkur qarorda 
alohida chora-tadbirlar kompleksi ishlab chiqildi. CHora-tadbirlarda tadbirkorlik 
sub’ektlarini davlat ro’yxatidan o’tkazish va hisobga qo’yishni avtomatlashtirilgan tizimini 
bosqichma-bosqich ishlab chiqish va joriy etish, 2017 yil 1 apreldan boshlab tadbirkorlik 
sub’ektlarini davlat ro’yxatidan O’zbekiston Respublikasi Davlat interaktiv xizmatlari 
yagona portaliga integratsiyalashgan Internet tarmog’idagi Tizim orqali kechayu-kunduz 
o’tkazish va hisobga qo’yish ta’minlash belgilab berildi. Ushbu talablar banklar va kredit 

---