Наманган давлат университети ҳузуридаги илмий даражалар берувчи phD

Диссертация тадқиқотининг диссертация бажарилган олий таълим 
муассасасининг илмий-тадқиқот ишлари режалари билан боғлиқлиги. 
Диссертация тадқиқоти Андижон давлат университети илмий-тадқиқот 

---

7
ишлари режасининг A-1-41. “Касбга йўналтириш, қайта тайёрлаш ва 
мутахассислар малакасини ошириш ўқув ишлаб чиқариш тизимида миллий, 
анъанавий базани ҳамда ушбу йўналишда таълим бериш жараёнининг 
амалий-услубий асосларини яратиш” (2015–2017 йй.) давлат амалий тадқиқот 
лойиҳаси доирасида бажарилган. 
Тадқиқотнинг мақсади Ўзбекистон ва Япония умумтаълим ва 
профессионал таълим тизимларини қиёсий таҳлил қилиш ҳамда Япониянинг 
илғор тажрибасидан фойдаланиш бўйича тавсиялар ишлаб чиқишдан иборат. 
Тадқиқотнинг вазифалари: 
халқаро тажриба доирасида таълим тизимининг ўзига хос хусусиятлари, 
ривожлантириш стратегиялари ва умумий тенденцияларини аниқлаштириш; 
Ўзбекистон ва Япония умумтаълим ва профессионал таълим 
тизимларини модернизация қилишнинг асосий тамойилларини таҳлил 
қилиш; 
Ўзбекистон умумтаълим ва профессионал таълим тизимларининг 
ҳозирги ҳолатини таҳлил қилиш асосида Япония тажрибасидан фойдаланиш 
юзасидан амалий тавсиялар ишлаб чиқиш; 
профессионал таълим муассасалари фаолиятини баҳолаш ва рейтингини 
аниқлаш усулларини такомиллаштириш. 
Тадқиқотнинг объекти сифатида Ўзбекистон ва Япония умумтаълим ва 
профессионал таълими миллий тизимлари белгиланган. 
Тадқиқотнинг предметини Ўзбекистон ва Япония умумтаълим ва 
профессионал таълим тизимларининг ташкилий-ҳуқуқий жихатлари ва 
ташкилий-педагогик талабларидаги ўхшаш ва фарқли хусусиятлар ташкил 
этади. 
Тадқиқотнинг усуллари. Тадқиқот жараёнида назарий таққослаш, 
қиёсий таҳлил, бенчмаркинг (benchmarking), статистик таҳлил, мантиқий 
таҳлил, педагогик кузатиш, иерархик моделлаштириш, умумлаштириш, 
суҳбат, интервью, баҳс-мунозара усулларидан фойдаланилди.