Наряд тизими” тўғрисидаги Низом

9. Наряд тизимига жалб қилинган шахсларнинг вазифалари, ҳуқуқлари ва жавобгарликларини тақсимлаш лавозим йўриқномалари, мазкур Наряд тизими ҳамда бошқа меъёрий ҳужжатларнинг талабларига мувофиқ амалга оширилади.
10. Ишлар, турлари, мураккаблиги ва уларни амалга ошириш шароитларига кўра:
- наряд бўйича;
- топшириқ бўйича;
- жорий ишлар;
- хавфи юқори бўлган ишлар амалга оширилиши учун бўлинади:
11. Хавфсизлик қоидалари ёки меҳнат муҳофазаси бўйича йўриқномалар бузилганда, атрофдагиларнинг ёки ишларни бажарувчиларнинг ҳаётига ва соғлигига хавф туғдирувчи авария ҳолатлари юзага келганда ҳар қандай турдаги ишларни давом эттириш зудлик билан тўхтатилиши керак.
Ушбу сабаблар билан тўхтатилган ишларни давом эттиришга, фақат аниқланган хавфли омиллар бартараф этилгандан кейин рухсат берилади.
12. Мазкур Наряд тизимини билиш уни амалга оширишга жалб қилинган раҳбарлар ва мутахассислар учун мажбурийдир. Наряд тизимининг талаблари, комбинат ходимларини тайёрлаш, қайта тайёрлашдаги ва уларни мақсадли йўналишдаги махсус курсларда ўқитишлардаги ўқув марказларининг (пунктларининг) тегишли ўқув-мавзули режалари ҳамда дастурларига киритилиши керак.
13. Комбинатнинг тузилмавий бўлинмалари раҳбарлари ва Наряд тизимини амалга ошириш учун масъул бўлган шахслар уни жорий этиш учун шароитларни яратишлари керак ҳамда улар қуйидагиларга мажбур:
- Наряд тизимини ўрганиш учун шароитларни яратиш;
- унинг самарали ишлашини таъминлаш;
- унинг ишлашини назорат қилишнинг амалий тизимини таъминлаш (шу жумладан, меҳнат жамоаси томонидан ҳам).
14. Хавфсиз ишларни ташкиллаштиришда бевосита қатнашувчи раҳбарлар ва мутахассислар, шунингдек уларнинг ўрнида вақтинчалик ишловчилар мазкур Низомни билиши бўйича камида 12 ойда бир марта текширишдан ўтишлари керак.


Наряд тизимининг ишлаши


15. Наряд тизими қуйидаги чора-тадбирларнинг кетма-кет бажарилиши билан таъминланади:
- наряд, топшириқни тайёрлаш;
- наряд, топшириқни расмийлаштириш;
- нарядни келишиш;
- наряд, топшириқни бериш;
- ижрочиларни наряд, топшириқ бўйича ишларни бажаришга қўйиш;
- наряд, топшириқ бўйича ишларни бажариш;
- наряд, топшириққа ўзгаришлар киритиш (уларни тўғрилаш);
- наряд, топшириқнинг бажарилиши устидан назоратни амалга ошириш;
- наряд, топшириқнинг бажарилганлиги тўғрисида ҳисобот бериш.