National University of Uzbekistan Volume 4

National University of Uzbekistan 
Volume 4 | NUU Conference 2 | 2023
Google Scholar indexed 
Current Issues of Social Sciences and Humanities
 
DOI: 10.24412/2181-1385-2023-2-49-60 
Ijtimoiy-gumanitar fanlarning dolzarb masalalari 
 
 
 
 
 
 
51
 
April, 2023 
https://nuu.uz/ International Scientific and Practical Conference 
Estetika va din xususiga to‗xtalsak, ular; estetik va mistik tajriba; qadriyatlar 
ierarxiyasi; ramzlar va belgilar; hamda, diniy badiiy asarlarni yaratilishida 
ifodalanadi.
Estetik bilimlar o‗ziga xos va universaldir. Estetika san‘atning paydo bo‗lishi 
shartlarini, uning strukturaviy va farmal xususiyatlarini o‗rganadi. Estetika 
go‗zallikni va boshqa estetik kategoriyalar va ularning go‗zallikka nisbatini, estetik 
hissiyot va uning o‗ziga xos xususiyatlarini, san‘at, dizayn, badiiy asar tuzilishi, 
janrlari, usullari, ifoda vositalari, badiiy ijod va idrok jarayonlarini, nosan‘at ob‘ektlar 
estetikasini (sport, moda, tabiat va b.), estetik tarbiya masalalarini, estetik madaniyat 
va uning o‗rnini tadqiq etadi. Shuningdek, ushbu atamani kundalik hayotimizni 
barcha jabhalarida juda keng ma‘noda ishlatilishini kuzatishimiz mumkin(masalan: 
interer estetikasi, spektakl estetikasi), ushbu tushuncha san‘at asarlarining ham, kun-
dalik buyumlarning ham, tabiat hodisalarining ham hissiy ifodali sifatini 
umumlashtiruvchi yagona printsipni bildiradi.
Demak, "Estetika" fanining maqsadi tabiat va san‘atdagi go‗zallikning o‗ziga 
xos xususiyatlarini ochib berish va go‗zallikni idrok etish xususiyatlarini 
tavsiflashdan iborat. Estetika atamasiga uning tarixi mobaynida qarashlar turlicha 
bo‗lgan. Uni goh,"go‗zallik falsafasi" goh, "san‘at falsafasi" deb atashgan. Estetikani 
bir necha marta mustaqil fanlarga ajratmoqchi bo‗lishgan. Masalan; estetik qadriyat-
lar nazariyasi, estetik idrok nazariyasi, san‘at nazariyasi, lekin tajriba shuni 
ko‗rsatdiki, ushbu nazariyalar o‗zaro shunchalik chambarchas bog‗liq ekanki, ularni 
ajratib tashlash, deyarli mumkin emas ekan. Hozirgi kunda estetika ko‗proq sohaviy 
ko‗rinishga ega. Masalan: musiqa estetikasi, dizayn estetikasi, landshaft estetikasi va 
h.k. 
Estetikaning qo‗llanilnish sohalarini quyidagicha tasniflash mumkin: