Navoiy davlat konchilik instituti ashurova n. B. Atamuradov sh

Konsentrik diversifikatsiya – korxonani o’z joriy faoliyati bilan bog’liq biznesga 
kirishishi. Bu orqali faoliyat sotib olish yoki o’xshash tovarlar chiqaruvchi firmalar 
ustidan nazorat o’rnatish evaziga kengaytiriladi. 
Konsern - turli tarmoqlardagi mustaqil korxonalarning ishtirok etish tizimi, 
qo’shma tadqiqotlar, patent-litsenziya kelishuvlari, moliyalashtirish, ishlab 
chiqarish hamkorligi vositasida birlashuvi. 
Kooperatsiya qilish - yakuniy mahsulotni birgalikda tayyorlash bo’yicha uzoq 
muddatli to’g’ridan-to’g’ri xo’jalik aloqalarini o’rnatish. 
Korxonaning optimal (maqbul) hajmi – korxonaning mahsulot ishlab chiqarish 
(ish bajarish, xizmat ko’rsatish) bo’yicha imzolangan shartnoma va majburiyatlarni 
o’z muddatida, eng kam xarajatlar bilan eng yuqori samaradorlikka erishgan holda 
bajarish imkonini beruvchi hajmi (miqyosi). 
Korxonaning tijorat siri – korxonaning ishlab chiqarish, texnologiya, boshqaruv 
va boshqa turdagi faoliyati bilan bog’liq, oshkor qilinishi korxona manfaatlariga 
zarar yetkazishi mumkin bo’lgan, davlat sirlariga aloqasi bo’lmagan ma’lumotlari. 
Lizing - mulkka egalik qilish huquqi ijaraga beruvchida saqlangan holda, mulkni 
uzoq muddatli ijaraga berishga asoslangan holda investitsiyalarni moliyalashtirish 
shakli; mashina, uskuna va transport vositalarining o’rta va uzoq muddatli ijarasi. 
Litsenziya - qonunda belgilangan muayyan xo’jalik operatsiyalari, jumladan, tashqi 
savdo (eksport va import) operatsiyalarini amalga oshirish bo’yicha, vakolatli davlat 
idoralarining huquqiy shaxslarga beruvchi maxsus ruxsatnomasi. 
Maqsad - bu muddao, murod, yahni u yoki bu niyatga erishmoq uchun ko’zda 
tutilgan mushtarak orzu, niyat. Masalan, korxonaning bo’lajak harakatlarni oldindan 
aniqlash, pirovard natijani baholash va h.k. 
Marketing – bozor holatini asosli o’rganish va oldindan baholash bilan tovarlarni 
ishlab chiqish va sotishni tashkil etish hamda bozor iqtisodiyotining muhim unsuri.