Necha asrlar mobaynida goh yuksak rivoj-u shuhrat topgan

TARJIMAI HOL
Ma’lum bir shaxs tomonidan o‘z shaxsiy hayoti va faoliya­
ti haqida bayon qilingan yozuv. Tarjimai hol bir xil ando­
zaga ega emas, mufassal yoki muxtasar yozilishi mumkin. U
muallif tomonidan mustaqil tuziladigan hujjatdir. Gar­
chi u erkin (ixtiyoriy) tuzilsa­da, biroq tarjimai holda
ayrim qismlarning bo‘lishi shart.
Tarjimai holning asosiy zaruriy qismlari:
1. Hujjatning nomi (Tarjimai hol).
2. Matn:
a) muallif familiyasi, ismi va otaismi;
b) tug‘ilgan yil, kun, oy va tug‘ilgan joyi;
v) millati, ijtimoiy kelib chiqishi;
g) ota­onasi haqida qisqacha ma’lumot (familiyasi, ismi
va otaismi, ish joyi);
d) ma’lumoti (qayerda, qanday o‘quv yurtini tugatganligi
va ma’lumotiga ko‘ra mutaxassisligi);
ye) ish faoliyatining turlari;
yo) oxirgi ish joyi va lavozimi;
j) mukofot va rag‘batlantirishlar;
z) jamoat ishlaridagi ishtiroki;
i) oilaviy ahvoli va oila a’zolari;
y) pasport ma’lumotlari;
k) turarjoyi (uy manzili), telefoni.
3. Sana.
4. Imzo.
Tarjimai hol oddiy qog‘ozga, ayrim hollarda, ya’ni
ishga, o‘qishga kirishda maxsus bosma ish qog‘ozlariga qo‘lda
yoziladi. Matnni bayon qilish shakli hikoya uslubida bo‘lib,
birinchi shaxs tilidan yoziladi.
Barcha ma’lumotlar davriylik asosida, aniq sanalar
bilan (iloji boricha yili, oyi, kuni ko‘rsatilgan holda)
Tarjimai hol
298
beriladi. Barcha raqamlar arab raqamlarida ifodalanadi.
Tarjimai hol shunday tuzilishi kerakki, u bilan tanish­
gan kishi muallifning hayot yo‘li, faoliyati haqida muayyan
tasavvurga ega bo‘lsin. Quyidagi ilovada tarjimai hol na­
munasi berildi.
Tarjimai hol namunasi
Ilova
TARJIMAI HOL
Men, Salimov Karim Olimovich, 1980 yil 15 sentyabrda Tosh­
kent shahrida, xizmatchi oilasida tug‘ildim. Otam – Salimov
Olim Oripovich Nizomiy nomidagi Toshkent davlat pedagogika
universitetida o‘qituvchi, onam – Rahimova Gulnora Azimovna
122­bolalar bog‘chasida bosh tarbiyachi bo‘lib ishlaydilar.
1987 yildan 1997 yilgacha Toshkent shahridagi 1­o‘rta mak­
tabda o‘qidim. 1997 yilda Toshkent texnika universitetining
qurilish fakultetiga o‘qishga kirdim. 1998–2000 yillarda ar­
miya safida haqiqiy xizmatni o‘tab qaytgach, o‘qishni davom et­
tirdim va 2004 yilda shu universitetni imtiyozli diplom bi­
lan tugatib, quruvchi­muhandis mutaxassisligiga ega bo‘ldim.
Yo‘llanma bilan Toshkentdagi 166­qurilish trestining 94­me­
xanizasiyalashgan ko‘chma korxonasiga ishga yuborildim. Dastlab
muhandis lavozimida, 2009 yildan buyon bosh muhandis lavozi­
mida ishlayapman.
2011 yilda rejadagi topshiriqlarni muvaffaqiyatli ba­
jarganim va erishilgan natijalar uchun Respublika Qurilish
vazirligining faxriy yorlig‘i bilan taqdirlandim.
Bir necha jamoat ishlarida ham qatnashaman, jumladan,
166­qurilish tresti kasaba qo‘mitasining a’zosiman.
2001 yildan XDP a’zosiman.
Uylanganman. Xotinim Rasulova Muhabbat, 1982 yilda tug‘il­
gan. 2­shahar kasalxonasida hamshira bo‘lib ishlaydi. O‘g‘lim
– Salimov Nodir, 1996 yilda tug‘ilgan, O‘zMU talabasi.
Qizim – Salimova Lola, 2001 yilda tug‘ilgan, 261­maktabda
o‘qiydi.
Mening turarjoyim: 100210, Toshkent, Shota Rustaveli ko‘­
chasi, 5­uy, 27­xonadon. Tel.: 71 272­28­61.
(imzo) K. Salimova

TILXAT
Pul, hujjat, qimmatbaho buyumlar yoxud boshqa biror
narsa olinganligini tasdiqlovchi rasmiy yozma hujjat.
Tilxat bir nusxada tayyorlanadi hamda pulli va qim­
matbaho hujjat sifatida saqlanadi.
Tilxatning asosiy zaruriy qismlari:
1. Hujjatning nomi (Tilxat).
2. Matn:
a) tilxat beruvchi shaxsning lavozimi, ismi va otaismi,
familiyasi.
b) pul, hujjat, buyum yoki boshqa biror narsani beruvchi
shaxsning lavozimi, ismi va otaismi, familiyasi (zarurat
bo‘lganda muassasa nomi);
v) pul, hujjat, buyum yoki boshqa biror narsaning nomi
va ularning miqdori (zarurat bo‘lganda bahosi);
g) olinayotgan buyumning texnik holati (agar u mashina,
apparatlar va sh.k. bo‘lsa).
3. Tilxat berilgan sana.
4. Tilxat muallifining imzosi.
Olinadigan pul miqdori yoki buyumning bahosi va uning
soni tilxatda raqamlar bilan ko‘rsatiladi, qavs ichida esa
so‘zlar bilan ham berilishi shart.
Matn va imzo oralig‘idagi bo‘sh joylar chiziladi. Til­
xatdagi yozuvlarni o‘chirish yoki tuzatish mumkin emas, aks
holda, bunday hujjatning haqiqiyligi shubha ostiga oli­
nishi mumkin.
1–3­ilovalarda tilxat namunalari berildi.
Tilxat
300
Tilxat namunalari
1-ilova
TILXAT
Men, O‘zbekiston davlat san’at va madaniyat institutining
xo‘jalik ishlari bo‘limi mudiri Bahodir Olimov, Toshkent mil­
liy cholg‘u asboblari zavodining tayyor buyumlar ombori mudiri
Erkin Karimovdan institut buyurtmasi asosida tayyorlangan,
umumiy bahosi 6813500 (olti million sakkiz yuz o‘n uch ming
besh yuz) so‘m bo‘lgan 30 (o‘ttiz) dona rubobni qabul qilib oldim.
2018.21.02 (imzo) B.N.Olimov
2-ilova
TILXAT
Men, Toshkent savdo markazi xo‘jalik mollari bo‘limining
mudiri Anvar Mamatovich Sobirov, fuqaro Rahim Karimovich
Rahimovdan bahosi 3122000 (uch million bir yuz yigirma ikkki
ming) so‘m bo‘lgan «Biryusa­6» markali sovutkichni boshqa marka­
li sovutkichga almashtirib berish uchun qabul qilib oldim.
2018.20.05 (imzo) A.M.Sobirov
3-ilova
TILXAT
Men, Boysun tumanidagi «Fayz Ramz» fermer xo‘jaligi
bosh lig‘i Karim Salimovich Rahimov, fermer xo‘jaligi kassiri
Dilbar Salimovadan xo‘jalik a’zolarining iyun oyiga tegish­
li 7164500 (yetti millon bir yuz oltmish to‘rt ming besh yuz) so‘m
miqdoridagi ish haqini tarqatish uchun oldim.
2019.16.09 (imzo) K.S.Rahimov
Ba’zan tilxatda guvohlar ismi, familiyalari, otaismi
ham ko‘rsatiladi. Bunday hollarda guvohlar o‘z imzolari
bilan hujjatni tasdiqlashlari kerak.
TUSHUNTIRISH XATI
Xizmat sohasidagi, xizmatga aloqador masalani,
uning ayrim jihatlarini yozma izohlovchi va muassasa
(bo‘lim) rahbariga (ichki) yoki yuqori tashkilotga (tashqi)
yo‘llanuvchi hujjatdir.
Yuqoridagi ta’rifdan ko‘rinadiki, tushuntirish xati
xuddi ma’lumotnoma va bildirishnoma singari ichki va
tashqi xususiyatga ega. Keyingi holatda, ya’ni tushuntirish
xati yuqori tashkilotga yuborilayotganda, u ko‘pincha biror
asosiy hujjat (rejalar, hisobotlar, loyihalar)ga ilova
tarzida bo‘lib, mazkur hujjatni umuman yoki uning ba’­
zi o‘rinlarini qisman izohlab, tushuntirib beradi. Bu
xildagi tushuntirish xati, shuningdek, muassasada bo‘lib
o‘tgan voqea­hodisaga, rahbarning ba’zi xatti­harakatiga,
rejalashtirilgan ishlarning bajarilmay qolishiga ham
izoh beradi yoki dalillaydi. Demak, bu holda tushunti­
rish xati mustaqil hujjat hisoblanmaydi, shunga qara­
may, u muassasa xos ish qog‘ozida rasmiylashtiriladi va
rahbar tomonidan imzolanadi.
Ichki, boshqacha aytganda, shaxsiy tushuntirish xatlari,
asosan, xodim (ishchi, xizmatchi, fermer xo‘jaligi a’zosi,
talaba) tomonidan, ba’zan bo‘linmalar rahbarlari tomo­
nidan muassasa rahbari nomiga yoziladi. Unda ish (o‘qish)
jarayonida xodim (talaba) tomonidan sodir etilgan ba’­
zi xatti­harakatlar (masalan, ish yoki o‘qishga kech qolish,
kelmay qolish, reja yoki ayrim topshiriqni bajarmagan­
lik, belgilangan tartib­qoidalarga rioya qilmaganlik va
boshqalar) va ularning sabablari izohlanadi, dalillana­
di. Bevosita xodim (muallif) tomonidan imzolanadigan
bunday tushuntirish xati oddiy qog‘ozga yoziladi. Shaxsiy
tushuntirish xatlari, odatda, mansabdor (rahbar) shaxs­
ning talabi bilan yoziladi, chunki u keyinchalik xodim
haqida muayyan qarorga kelish, unga nisbatan tegishli in­
tizomiy jazo chorasi qo‘llash yoki, dalillar asosli (uzrli)
bo‘lsa, qo‘llamaslik uchun asos vazifasini o‘tashi mumkin.
Umuman, tushuntirish xati quyidagi zaruriy qismlar­
dan iborat bo‘ladi:
Tushuntirish xati
302
1. Hujjat yo‘llanayotgan tashkilot yoki mansabdor
shaxs ning to‘liq nomi.
2. Hujjatni tayyorlagan (yozgan) muassasa yoki shaxs­
ning to‘liq nomi.
3. Hujjat turining nomi (Tushuntirish xati).
4. Hujjat matni (mazmuni).
5. Imzo.
6. Sana (hujjat yozilgan vaqt).
Tashqi, xizmat yuzasidan korxona, muassasa va hoka­
zolar nomidan yoziladigan tushuntirish xatlari xos ish
qog‘ozida rasmiylashtiriladi va ularning to‘liq nomi
ushbu ish qog‘ozida aks etadi. Ichki tushuntirish xatla­
rida esa rahbar yoki xodimning to‘liq nomi deyilganda,
u ishlaydigan (o‘qiydigan) bo‘linmaning nomi, shaxs la­
vozimi, ismi, otaismining bosh harflari va familiyasi
nazarda tutiladi.
Zaruriy qismlari va yozilish shakli jihatidan tushun­
tirish xati arizadan deyarli farq qilmaydi, tarkibiy
qismlarining joylashishi ham bir xil. Faqat shaxsiy tu­
shuntirish xatining muallifi arizadagiday chiqish keli­
shigida emas, balki qaratqich kelishigida rasmiylashti­
rilgani ma’qul.
4–9­ilovalarda shaxsiy xususiyatdagi tushuntirish
xatlariga bir necha namunalar berildi. Muassasa no­
midan yoziladigan tushuntirish xatlari boshqa asosiy
hujjatlarga bog‘liqligi sababli ularga oid namunalar
berilmadi.
Shaxsiy tushuntirish xati namunalari
4-ilova
«O‘zbekko‘mir» aksiyadorlik
jamiyati Angren qo‘ng‘ir ko‘mir
koni shaxta boshlig‘i E.S.Latipovga
Ishlab chiqarish intizomining
buzilganligi haqida
TUSHUNTIRISH XATI
2018 yil 9 iyun kuni men navbatchilik qilgan birinchi sme­
nada ko‘miro‘ygich mashinani elektr toki bilan ta’minlaydigan
kabel uzilib ketdi.
Ma’lumot-axborot hujjatlari
303
Kabelning uzilishi quyidagi sababga ko‘ra ro‘y berdi: ishchi
M.K.Salimov birinchi konveyerni boshqarish chog‘ida ko‘miro‘y­
gich kabelini o‘rab qo‘ymagan, natijada konveyer bloki kabelga
ishqalanib, uni uzib ishdan chiqargan va mashina to‘xtab qolgan.
Ishchi M.K.Salimov avval ham texnika xavfsizligi qoida­
larini buzib kelgan va tegishli ravishda jazosini olgan edi.
Yuqoridagilarni hisobga olgan holda, M.K.Salimovga yana­
da qatiyroq intizomiy jazo choralarini qo‘llash zarur deb hi­
soblayman.
Tog‘­kon muhandisi (imzo) P.T.Maqsudov
2018.10.06

E’LON
Ko‘pchilikni yoki ma’lum guruhdagi shaxslarni yaqin
orada (kelgusida) bo‘ladigan biron­bir tadbir – majlis,
uchrashuv, suhbat, shuningdek, ishga, o‘qishga qabul qilish va
boshqalar haqida xabardor qilish uchun qo‘llanuvchi yozma ax­
borot.
E’lonning zaruriy qismlari:
1. Nomi (E’lon).
2. E’lon qilinayottan tadbirning vaqti, o‘tkazilish
joyi.
3. Tadbirning mavzusini o‘zida aks ettiruvchi matn.
4. Tadbir o‘tkazuvchilar nomi (odatda, bo‘ladigan tadbir­
ni e’lon qilayotgan tashkilot, organning nomi: «Ma’muri­
yat», «Kuzatuv kengashi», «Yozuvchilar uyushmasi», «Tashkiliy
qo‘mita» tarzida beriladi).
E’lon, mavzusiga va undan ko‘zlangan maqsadga ko‘ra,
turli shakllarda bo‘lishi mumkin (1–5­ilovalarga qarang).
Eьlon namunalari
1-ilova
E’LON
Shu yil 12 iyul kuni soat 15.00 da O‘zR FA O‘zbek tili, ada­
biyoti va folklori institutining majlislar zalida institut
kasaba uyushmasi qo‘mitasining hisobot­saylov yig‘ilishi bo‘ladi.
Kun tartibi:
1. Kasaba uyushmasi qo‘mitasining hisoboti.
2. Taftish komissiyasining hisoboti.
3. Kasaba uyushmasi qo‘mitasining yangi tarkibini saylash.