Nemis adabiyoti tarixi

Jargon (Fransuzcha jargon – soda til, buzilgan til so’zidan) ma’lum sotsial tabaqa yoki kishilar guruhi tomonidan ishlatiladigan shartli og’zaki nutq yoki so’z va ta’birlar yig’indisi. Jargon o‘zbek tilida abdal tili deb ham yuritilgan. Savdogarlarning, o’g’rilarning, qimorbozlarning va boshqa guruhlarning jargoni bo’lgan. Bular o’zaro so’zlashuvda boshqalardan sir tutish uchun sun’iy so’z va iboralar yasaganlar, mavjud so’zlarni ko’chma ma’noda ishlatganlar.
Badiiy adabiyotda, xususan fel’etonlarda, ba’zi personajlarning tilini individuallashtirish, tipiklashtirish uchun jargondan foydalaniladi.


Impressionizm (Fransuzcha impression – tassurot so’zidan) –san’at va adabiyot va musiqada XIX asrning ikkinchi yarmida, dastlab Fransiyada paydo bo’lgan oqim. Impressionistlar san’atning vazifasini, yozuvchi va rassomning bevosita o’z tor shaxsiy tassurotlarini, ruhiy kechinmalari, hissoyot va kayfiyatlarini ifodalashdan iborat deb bilganlar.


Improvizatsiya (lotincha improviso – tayyorliksiz, kutilmaganda so’zidan) - biror munosabat tufayli ma’lum mavzuda hozirjavoblik bilan sher’iy asar yaratish va qalamga olingan mavzuni mohirlik bilan yoritish usuli.


Intim lirika – yurakdan aytilgan samimiy do’stlik va muhabbat so’zlari.


Intriga (lotincha intrigare – chigallashtirish, chalg’itish so’zidan) – badiiy asarda ishtirok etuvchilarning o’zaro jiddiy kurashlarini ochib beruvchi murakkab, chigal hodisalar tizmasi.


Ironiya (yunoncha eironeia – zimdan kulish, kesatish so’zidan) – zohiran jiddiy aslda esa masxaraomiz, ya’ni zimdan kulish bilan, kesatib aytilgan piching so’z va iboralar. Ironiya hajvning yoki hazil-mutoyiba – yumorning bir ko’rinishidir. Ayni zamonda, ironiya o’z ma’nosidan ko’chirilgan so’zlarning ham bir turi bo’lib, bunda so’z va ibora teskari ma’noda, ya’ni sirtqi mohiyatiga nisbatan qarama-qarshi ma’noda keladi. Yozuvchi personaj yo uning biror harakati to’g’risida bir xil gapirib boshqacha hukm chiqaradi.
Ironiya afsuslanib, g’azablanib aytilishi yo boshqacha ma’noni anglatishi mumkin bo’lgan poetik iboradir. Ironiya ko’proq majoziy obrazlarga ega bo’lgan masal kabi asarlarda ishlatiladi.