Ойбекдиссер

Yuqoridan to‘g‘ri to‘p kiritish. O‘yinchi to‘rga qaragan xolda yuqori xolatni egallaydi. To‘p ko‘krak satxida ushlab turiladi, biroyoq oldinga qo‘yiladi. To‘p 1m yuqoriga–oldinga tashlanib, o‘yinchi qo‘lini yuqoriga –oldinga harakatlantiradi va zarba beruvchi qo‘l elkasini orqaga –yuqoriga olib boradi. Zarba to‘g‘ri qo‘l bilan birmuncha oldinda bajariladi. Bu usulni ikki xil varianti mavjud: to‘pga aylanma harakat berib va aylanma harakat bermasdan amalga oshirish mumkin. To‘pga aylanma harakat bermasdan to‘p kiritish usuli bir muncha murakkab usul xisoblanadi. Bu usulda quyidagi elementlarningbajarilishiga qat’iy amal qilish zarur. Bular to‘pning qoq o‘rtasiga zarba berish; to‘p tashlashning nisbatan pastligizarba beruvchi qo‘lni orqaga nisbatan qisqa harakatlantirish; kuchli (tezkor), kaftli (tezlanishli) va aldamchi (sekin) zarba berish, xujum zarbasini ikki yo‘l bilan ya’ni, to‘g‘ri va yon tomon bilan.
Yuqoridan yon tomon bilan to‘p kiritish. Yuqoridan yon tomon bilan to‘p kiritish usulida o‘yinchi to‘rga nisbatan yon tomon bilan bilan oyoqlarini tizzadan bukkan xolda turadi. To‘p 1m gacha balandlikda elka ustiga tashlanadi. O‘ng qo‘l bilan zarba berilganda u pastdan orqaga harakatlanadi. Bunda elka pastga tushirilib, gavdaning og‘irligi o‘ng oyoqqa o‘tkaziladi. Zarba beruvchi qo‘l orqadan –yuqoriga yoy bo‘yicha harakatlantirilib, zarba amalga oshiriladi. Gavda chapga buriladi va og‘irlik kuchi chap oyoqqa ko‘chiriladi. Bu harakat zarbaning kuchini oshirishga xizmat qiladi.
Sakrab to‘p kiritish. Xozirda sakrab to‘p kiritish usuli keng qo‘llanilmoqda. Bu usulni tushintirish, ximoya zonasidan zarba berishga o‘xshashligi sababli uning moxiyatini keyinroq tushuntiriladi.
Xujum zarbalari. Xujum zarbasi –jamoani xujum harakatini yakunlovchi samarali usul xisoblanadi. Bunday usuldagi xujum zarbasi to‘rning yuqori qirg‘og‘idanbalandda amalga oshiriladi. Xujum zarbasi yuqoridan berilishiga sabab, xujumni pastdan amalga oshirilganda xujum samarasi pastroq bo‘ladi. Xujum zarbalari yo‘nilishiga ko‘ra quyidagicha farqlanadi: to‘g‘ri yo‘nalish bo‘yicha ya’ni. Bunda zarba berilgan to‘p yo‘nalishi xujumchining yugurib keliish yo‘nalishiga mos tushadi, yo‘nalishini o‘zgartirib, ya’ni bunda zarba berilgan to‘p yo‘nalishi xujumchining yugurib kelish yo‘nalishiga mos tushmaydi.
To‘pning uchish tezligiga qarab xujum zarbalari quyidagicha farqlanadi: zarba beruvchi qo‘lni orqaga nisbatan qisqa harakatlantirish bilan kuchli (tezkor), kaftli (tezlanishli) va aldamchi (sekin). Xujum zarbasi to‘rga nisbatan qarama –qarshi turgan, to‘rga nisbatan yon tomon bilan turganda amalga oshirish mumkin.