Ойбекдиссер

Илмий раҳбар доцент: Ҳ.Солиев


Андижон Давлат Университети
5 А 141901-жисмоний тарбия ва жисмоний маданият йўналиши магистри Марасулов Ойбекнинг “Болалар ва ўсмирлар спорт мактабида ёш волейболчиларнинг машғулот самарадорлигини ошириш усуллари” мавзусидаги магистрлик диссертацияси


Т А Д Б И Қ И

Магистрлик диссертацияси мавзуси бўйича илмий тадқиқот ва педагогик фаолият жараёнларида Андижон давлат тиллар педагогика институти қошидаги академик лицей талабаларининг волейбол тўгаркларидаги машғулотлар билан бир вақтда Мархамат тумани БЎСМ волейбол тўгараги шуғулланувчиларининг спорт ва жисмоний тайёргарлик жараёнлари ўрганилган.

Олиб борилган илмий тадқиқот ишларида адабиётлар таҳлили, педагогик назорат, тилибилар жисмоний ривожланиш даражаларини тиббий назаорат қилиш ва жисмоний тайёргарликларини “Алпомиш ва Барчиной” амалий синовлари орқали баҳолаш ташкил этилди. Шу билан бирга илмий тадқиқот ишларида экспериментлар ўтказилди.
Илмий тадқиқот ишлари жараёнларида олиб борилган тадбирлар академик лицей талабалари ва БЎСМ спортчилари спорт тўгаракларида машғулотлар олиб бориш, машғулотлар жараёнида техник ва тактик тайёргарликни амалга ошириш, жисмоний фазилатларни ривожлантириш ташкил этилди ҳамда волейбол мусобақалари ўтказилди.
Академик лицей талабалари ўқув кун тартибида спорти тўгараклардаги машғулотларнинг роли, уларнинг ақлий, маънавий ва маърифий тарбиясида спорт машғулотларининг аҳамияти таҳлил этилди. БЎСМ спортчилариннг волейбол бўйича мутахассислик машғулотлари, уларнинг ташкил этиш услуб ва тамойиллари ўрганилди. Талабалар ва спортчиларнинг спорт машғулотларининг аҳамияти, соғлом турмуш тарзи кечириш қоидаларига ўргатиш, шахсий ва жамоат гигиенаси талабаларига риоя қилиш бўйича тавсиялар ва кўрсатмалар бериб борилди.
Волейбол бўйича техник ва тактик маҳоратларни ортириш ҳамда жисмоний фазилатларни ривожлантириб бориш уларни келажакда юқори малакали спортчи бўлиб етишишлари билан бирга жисмонан баркамол ва маънавий етук мутахассислар бўлиб етишишлари экпериментлар жараёнларида тасдиқланди.
Магистрлик диссертациясининг педагогик амалиёт ва илмий тадқиқот натижалари хулосаларидан талабалар жисмоний тарбия, спорт ва соғломлаштириш жараёнларини такомиллаштиришда фойдаланиш мумкин.