Олий ва ўрта махсус таълим вазирлиги мирзо улуғбек номидаги ўзбекистон миллий университети иқтисодий таълимда ўқитиш технологияси «Қишлоқ ХЎжалиги иқтисодиёти»

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
МИРЗО УЛУҒБЕК НОМИДАГИ
ЎЗБЕКИСТОН МИЛЛИЙ УНИВЕРСИТЕТИ


Иқтисодий таълимда ўқитиш технологияси


«ҚИШЛОҚ ХЎЖАЛИГИ ИҚТИСОДИЁТИ» Фани бўйича Таълим технологияси
к и р и ш
«Қишлоқ хўжалиги иқтисодиёти» фани бўйича таълим технологияси маъруза, семинар ва амалий машғулотларни лойиҳалаш технологиялари асосида ишлаб чиқилган.Мазкур қўлланма кириш, таълим технологиясининг концептуал асослари ҳамда маъруза, семинар ва амалий машғулотларда ўқитиш технологияларидан таркиб топган.Таълим технологиясининг концептуал асослари бўлимида «Қишлоқ хўжалиги иқтисодиёти» фанини ўқитишнинг долзарблиги асосланган, мазкур курснинг тузилмаси келтирилган ҳамда курс бўйича ўқитишнинг мазмуни очиб берилган.
Сўнгра ўқув фани бўйича ўқитиш технологиялари лойиҳалаш-тирилган:
1) маъруза машғулотларини олиб боришнинг кириш-маъруза, мавзу асосида маъруза, муаммоли маъруза, бинарли маъруза, конференция маърузалар кўринишлари қўлланилиши;
2) амалий машғулотларни олиб боришнинг топшириқларни индивидуал тарзда ёки гуруҳда бажарилиши, муаммоли амалий машғулот ҳамда билимларни чуқурлаштириш ва мустаҳкамлашга йўналтирилган амалий топшириқларни бажарилиши.Мазкур таълим технологияси барча олий ўқув юртларида, малака ошириш курсларида, академик лицей ва касб-ҳунар коллежларида ўқитувчи томонидан қўлланилиши мумкин.
Муаллифлар мазкур таълим технологиясини яратишда ўзининг маслаҳатларини аямаганлиги, китобнинг янада мазмунли бўлишида фикрлари билан ўртоқлашганлиги ҳамда ташкилий ишларга ёрдам берганликлари учун ТДИУ ректори, профессор Б.Ю.Ходиевга, профессор А.Ш.Бекмуродовга, доцент Б.У.Усмоновга, доцент Л.В.Голишга, доцент М.К.Хошимовага, “Тармоқлар иқтисодиёти” кафедраси мудири, профессор Б.Т.Салмовга ва кафедранинг барча профессор-ўқитувчиларига ҳамда «Иқтисодиёт ва статистика» факультети декани доцент А.Б.Хайитовга ўз миннатдорчилигини билдирадилар. Шу билан биргаликда муаллиф қўлланмада учрайдиган айрим камчиликлар ва меъёрига етмаган ўринлар учун узр сўраб, билдирилган барча танқидий мулоҳаза ва таклифларни миннатдорчилик билан қабул қилади.