Олий ва ўрта махсус таълим вазирлиги мирзо улуғбек номидаги ўзбекистон миллий университети иқтисодий таълимда ўқитиш технологияси «Қишлоқ ХЎжалиги иқтисодиёти»

Фанга ажратилган ўқув соатларининг ўқув турлари бўйича тақсимоти

№	Мавзулар	Жами	маъруза	семинар
1	“Қишлоқ хўжалиги иқтисодиёти” фанининг предмети, мақсади, вазифаси ҳамда тадқиқот усуллари	4	2	2
2	Жаҳон, республика қишлоқ хўжалиги, унинг жойлашиши, ихтисослашиши, уни жаҳон молиявий-иқтисодий инқироз шароитида ривожланиши	4	2	2
3	Республика агросаноат мажмуаси, уни инқироз шароитида ривожлантириш имкониятлари	4	2	2
4	Бозор иқтисодига ўтишда қишлоқ хўжалигига давлат раҳбарлиги ва амалга оширилаётган аграр-иқтисодий ислоҳотлар	6	2	4
5	Қишлоқ хўжалигида мулк ва тадбиркорлик шакллари, уларнинг бозор ривожланиши	4	2	2
6	Ер-cув ресурслари, инқироз шароитида улардан фойдаланиш масалалари	6	2	4
7	Қишлоқ хўжалигининг моддий-техника ресурслари, фан-техника тараққиёти, инновацион технологиялар, асосий ва айланма воситалари, фондлари ва улардан самарали фойдаланиш.	6	2	4
8	Меҳнат ресурслари, уларнинг бозори, улардан фойдаланиш ва меҳнат унумдорлиги	4	2	2
9	Инвестициялар (капитал қўйилмалар) манбалари, уларнинг иқтисодий самарадорлиги	4	2	2
10	Қишлоқ хўжалигида сервис, уни ривожлантириш йўллари	6	2	4
11	Қишлоқ хўжалигидаги ялпи ва ўртача харажатлар, уларни камайтириш йўллари, ялпи ва товар маҳсулоти, уларнинг тақсимланиши ва кўпай­тириш йўллари	6	2	4
12	Қишлоқ хўжалик маҳсулотларининг баҳолари, уларнинг такомиллаштирилиши	4	2	2
13	Корхоналарнинг даромадлари, фойдалари, уларнинг тақсимланиши. Ишлаб чиқаришнинг иқтисодий самарадорлиги	4	2	2
14	Ўсимликчилик тармоқлари иқтисоди	4	2	2
15	Чорвачилик (қорамолчилик, қўйчилик, эчкичилик) тармоқлари иқтисоди	4	2	2
	Жами	70	30	40

2.	«қишлоқ хўжалиги ИҚТИСОДИЁТИ» фанининг мазмуни

1-Мавзу: Курснинг предмети, мақсади, вазифаси ҳамда тадқиқот усуллари
Қишлоқ хўжалиги жаҳон иқтисодиётининг, республика халқ хўжалигининг муҳим тармоғи эканлиги. Унинг мақсади, вазифаси. Қишлоқ хўжалигини тармоқ сифатидаги ўзига хос хусусиятлари. Жаҳон қишлоқ хўжалигининг инқироз шароитидаги ҳолати. Тармоқнинг республика иқтисодиётидаги ўрни. Мамлакат ялпи ички маҳсулотидаги, меҳнат ресурсларидаги, маҳсулотлар экспортидаги, ривожланган давлатлар инвестицияларидаги салмоғи. Инқироз шароитида қишлоқ хўжалигини иқтисодий, ижтимоий аҳамияти. Қишлоқ хўжалигида эркин бозор муносабатларини амалга оширишдаги хусусиятлар. Тармоқда эркин бозор иқтисодиётини шакллантириш босқичларидаги ўзгариши, уларга таъсир этувчи омиллар. Қишлоқ хўжалигида эркин, ижтимоий ҳимояланган бозор иқтисодиётини барпо этишнинг ҳуқуқий, ташкилий ва иқтисодий асослари. Қишлоқ хўжалигини ривожлантиришга қаратилган ҳукуматнинг ташкилий, иқтисодий ва ижтимоий чора-тадбирлари. Қишлоқ хўжалигини ривожлантириш Концепцияси. Тармоқда иқтисодий жиҳатдан ривожланган давлатлар тажрибасини қўллаш имкониятлари. Қишлоқ хўжалигини ривожлантиришда объектив табиат, жамият ва иқтисодий қонунлар, категориялар талабларини эътиборга олиш зарурлиги. «Қишлоқ хўжалиги иқтисоди» фанининг мақсади, предмети, вазифалари. Фанининг мазмуни уни ёритишда қўлланиладиган тадқиқот усуллари.
2-Мавзу: Жаҳон, республика қишлоқ хўжалиги, унинг жойлашиши, ихтисослашиши, уни жаҳон молиявий-ишлаб чиқариш инқирози шароитида ривожланиши
Қишлоқ хўжалигини жойлаштириш, ихтисослаштириш ҳамда кооперациялаштириш. Ривожланиш, инқироз шароитида уларнинг ижтимоий иқтисодий аҳамияти. Талаб таклифга асосан қишлоқ хўжалигини жаҳон, республика вилоятлари ҳудудида мақсадга мувофиқ жойлаштириш, самарали ихтисослаштириш ҳамда кооперациялаштириш. Ҳар қандай иқтисодий шароитда меҳнат тақсимотини амалга оширишда қишлоқ хўжалигини жойлаштиришни, ихтисослаштиришнинг аҳамияти. Қишлоқ хўжалигини жойлаштириш ва ихтисослаштиришнинг тамойиллари, омиллари. Ихтисослаштириш турлари. Қишлоқ хўжалигида кооперациялаштириш ва агросаноат интеграциялаштириш. Горизонтал ҳамда вертикал интеграциялаштириш. Хўжаликлараро кооперациялаш. Қишлоқ хўжалигини жойлаштириш, ихтисослаштириш даражаси ва самарадорлигини ифодаловчи кўрсаткичлар, уларни аниқлаш услубиёти. Иқтисодиёт ривожланаётган ёки инқироз даврида жаҳон, республика вилоятлари ҳудудларида қишлоқ хўжалигини жойлаштиришнинг, ихтсослаштиришнинг ҳолати. Шу борадаги илғор, самарали тадбирлар ва тажрибалар. Ҳозирги шароитда қишлоқ хўжалигини жойлаштириш, ихтисослаштириш ва кооперациялаштиришнинг ривожлантириш йўллари.