Omixta yem ishlab chiqarish texnologiyasi

Ҳайвонларда заҳарланишнинг олдинини оладиган умумий талаблар Бу мақсадда комплекс агрономик, ташкилий – хўжалик, зоотехник ва ветеринария – санитария тадбирлари ўтказилади. Озиқ заҳираларини патоген замбуруғлар ва бошқа микроорганизмлардан ифлосланиш, бузилишдан сақлаш, озиқ тайёрлаш ва уларни сақлашда комплекс технологик жараёнларидан фойдаланиш ва бу жараённи ўз вақтида бажариш керак. Қишлоқ хўжалигини кимёлаштиришда пестицид ва ўғитларни ишлатиш махсус кўрсатма асосида бажарилиши шарт.

Қишлоқ хўжалиги ходимлари ўсимликларни ҳимоя қилишда ишлатиладиган воситаларни сақлаш ва ишлатишда хатоликка йўл қўймасликлари керак. Ҳайвонларни заҳарланишдан сақлаш ва унинг олдини олишда озиқлар санитария жиҳатдан органолептик текширилади. Озиқ моддаларни тайёрлаш технологиясининг тўғрилигига, озиқлантириш гигиенаси, озиқ, яйлов ўтлари, сув манбаларининг сифати ва зарарсизлигини назорат қилиш, ҳайвонларнинг пестицидлар, ўғитлар ва бошқа заҳарли моддаларни еб қўйишдан эҳтиёт қилиш, зооинжинерия мутахассисларидан катта эътибор талаб қилади.