Оммавий очиқ онлайн курсларини яратиш назарияси ва амалиёти

- Скринкаст - бу компьютер экранидаги ҳаракатлар овозли шарҳлар 
билан бирга "видео ёзиб олиш". Скринстастда сиз ҳар қандай дастур ёки 
сайтнинг интерфейси ва имкониятлари билан таништиришингиз, муайян 
вазифани бажариш тартибини кўрсатишингиз мумкин. 
- Видеомаъруза - бу ўрганилаётган мавзу доирасида кўриб чиқилган 
муаммолар, уни ўрганишнинг асосий тамойиллари ва ёндашувлари 
тўғрисида кенг қамровли баёнот. Бундан ташқари, ўқув видеофильмининг 
мақсади - ўқувчини материални ўзлаштиришга қизиқтириш, ўрганилаётган 
муаммонинг аҳамияти тўғрисида тушунчани ривожлантириш, шунингдек, 
ўқув материалининг нима учун шахсан унга кераклигини тушуниш. 
Видеомаърузаларнинг бир қанча афзалликлари бор. 
Биринчидан, видео турли хил кўринишларни синтез қилади: эшитиш, 
висуал, лингвистик ва вазиятли, объектив, мажозий. Амалда, видеони 
томоша қилиш, тинглаш ёки субтитрлар мавжуд бўлса ўқиш мумкин. Бу 
аудиаллар, визуаллар ва кинестетикларни индивидуал ўқитиш учун асос 
яратади. 
Иккинчидан, нутқ хабари, юз ифодалари, имо-ишоралар, тана 
ҳаракатлари, алоқа иштирокчиларининг шахсий, ташқи кўринишлари 
тинглаш қобилияти билан ижтимоий аҳамиятга эга бўлган маълумотлар бир 
вақтнинг ўзида визуал равишда қабул қилинади. Психологик изланишларга 

---

100 
кўра, оғзаки бўлмаган, паралингвистик ҳодисалар 40-50% маълумотни 
узатади. Матн бундай имкониятлардан маҳрум. 
Учинчидан, видео кўпроқ (матн билан солиштирганда) ҳиссий таъсирга 
эга бўлганлиги учун талабалар орасида ижобий ҳис-туйғуларни уйғотади, 
уларнинг ғайратини оширади. 
Видеомаърузалар шахсга йўналтирилган таълимга ҳисса қўшади: талаба 
материални ўзининг ўрганиш тезлигига мувофиқ ўрганиши мумкин, агар 
керак бўлса, муҳим ёки нотўғри тушунилган қисмларни қайта кўриб чиқиши 
мумкин. 
Шахсий тажрибамизга асосланиб, ОООК ларда ўқитиш жуда қизиқарли, 
ижобий тажриба, рақобатбардошликни сақлаб, қулай формат ва режимда 
ўрганиш учун ажойиб имконият деб ҳисоблаймиз.