Омон шариф сардобада бир қиз бор шеърлар “бухоро” нашриёди

ШУНДАЙЛАР ҲАМ БОР

Шундай инсонлар бор елкасин тутиб

Меҳир кўрсатади қалб қуёшига
Шундай инсонлар бор суяниб ўтиб
Бошпана топади ёлғиз бошига

Шундай инсонлар бор остона ҳатлаб

Бировнинг шанига тил тегдирмаган
Бори бисотини бировга хатлаб
Онасиз болага чўп тегдирмаган

Шундай инсонлар бор эски тўнини

Ҳатто давишга ҳам раво кўрмаган
Бировлардан олган нони тузини
Қайтариш режасин ўйлаб кўрмаган

Шундай инсонлар бор ўз соясини

Бошпана деб алқир яқин дўстига
Туғушгандай кўрим ҳамсоясини
Кибир тутиб юрмас ҳасад қастига

Шундай инсонлар бор билагин тутиб

Бир умир ташнадир ёстиқдошига
Аланга олдирган жанжални ютиб
Ҳаёти мазмунли қалб қуёшига

Шундай инсонлар бор келажагини

Паноҳига яшар мастонасига
Шундай инсонлар бор волидасини
Кафтига тутади парвонасига
2017 й


ДУНЁНИ ТЕБРАТАДИ

Қишлоғим кўчалари сув сепилган ойнадай

Жилғалари анҳори тўлиб оқор сойлардай
Қозонда қайнар емиш илик мойли шиннидай
Ўтганлар ҳавас қилар кўзин узолмас нечун
Қуёшдан олдин турган келинчаклар бор учун

Сурмадан тўйган қошлар пардозлари келишган

Мушки анбар таратиб қоматлари тўлишган
Ҳалинчаклар осилиб аллалари ярашган
Нури дийдаларини ҳавас қилмймиз нечун
Қуёшдан олдин турган Шаҳнозалар бор учун

Сарамжону саришта қуёш кўзин очганда

Уфиқ қизариб кетар тандир ҳидин сочганда
Бир коса қаймоқ ширмой зилол чойлар ичганда
Дорил Омон кунлардан мйғрур топмаймиз нечун
Қуёшдан олдин турган мастоналар бор учун

Бир қўли бешик билан дунёни тебратади

Эшикдан эшикгача ер юзин қаратади
Илим фон оламига ифорин таратади
Шундай жононалар бор достон қилмаймиз нечун
Қуёшдан олдин турган ҳамхоналар бор учун

Ҳар соҳа ардоғида аёлларсиз ўтмайди

Тадбиркорлик бобида келинларга етмайди
Бундай замон ўзидан ўзи пайдо бўлмайди
Шундай парвоналар бор ҳавс қилмаймиз нечун
Қуёшдан олдин турган нозанинлар бор учун
2017 й