Ózin-ózi tekseriw hám bahalaw ushın sorawlar,
máseleler, tapsırmalar hám testler
1.Oqıtıw metodı dep nege aytamız?.Mısallar menen túsindiriń
2.Oqıtıw usılı degenimiz ne?.Oqıtıw metodı menen oqıtıw usılınıń bir-biri menen baylanısın hám ózgesheligin túsindiriń.
3.Oqıtıw quralı degenimiz ne hám ol qanday túrlerge bólinedi?
4.Oraylıq Aziyanıń ullı pedagog alımları oqıtıw metodları haqqında qanday pikirler bayan qılǵan?
Oqıtıwdı shólkemlestiriw túrleri hám formaları
J O B A S I :
1.Oqıtıwdı shólkemlestiriw túrleriniń payda bolıwı hám rawajlanıwı
2.Oqıtıw túrleri
3.Sabaq–Respublikamız mekteplerinde oqıtıw jumısların shólkemlestiriwdiń tiykarǵı túri
4.Sabaq túrleriniń úlgili dúzilisleri
5.Oqıtıwdı shólkemlestiriwdiń sabaqtan basqa túrleri
6.Dástúriy emes sabaqlar
1. Oqıtıwdı shólkemlestiriw túrleriniń payda bolıwı hám rawajlanıwı.
Oqıtıwdı shólkemlestiriwdiń klass-sabaq sistemasında oqıw jumısları oqıwshılardıń belgili bir jastaǵı turaqlı qurami menen, belgili waqıtta, sabaq kestesi tiykarında, muǵallimniń tikkeley basshılıǵında klassta ótkeriledi.
Oqıtıwdı shólkemlestiriwdiń Bell`-Langaster usılı. XVIII-ásirdiń aqırı XIX ásirdiń basında Óndiriste mashinanıń keń qollanıwı kóp sanlı jumısshılardı talap etti. Usi dáwirde Angliyada oqıtıwdıń klass-sabaq sistemasınan bas tartıp oqıwshılardıń birin-biri oqıtatuǵın Bell`-Langaster túrine ótildi. Oqıtıwdı shólkemlestiriwdiń bul túrin ruhanıy A.Bell` hám muǵallim D.Lankaster oylap taptı. Bul oqıtıw sistemasında muǵallim tiykarınan úlken jastaǵı oqıwshılardı oqıttı. Al úlken jastaǵı jaqsı oqıytuǵın oqıwshılar kishi jastaǵı oqıwshılarǵa sabaq berdi. Bell`-Lankaster mekteplerindegi oqıw sapasınıń tómenligi rawajlanıp baratırǵan. Óndiris, sanaat talapların qanaatlandıra almaǵanlıqtan áste-aqırın qollanıwdan shıǵıp qaldı.
Oqıtıwdı shólkemlestiriwdiń Mangeym sisteması. Sanaattıń tez pát penen rawajlanıwı arnawlı tayarlıqqa iye qánigelerdi talap etti. Hákim klass wákilleri jumısshı hám diyhan ortalıǵınan shıqqan jaslarǵa tolıq bilim bermew, olardı basshı lawazımlarǵa kótermew, ózleriniń balalarına hár tárepleme tereń bilim beriw, basshı xızmetlerge qoyıw maqsetinde Mangeym qalasında birinshi ret oqıtıwdı shólkemlestiriwdiń Mangeym sistemasın qolladı. Klass-sabaq sistemasındaǵı oqıwshılardıń uqıplıqlarına qaray dúzildi. Oqıwshılardıń uqıplıqların arnawlı túrde dúzilgen testler menen anıqlay almay, tek ǵana rawajlanıw dárejesin anıqlawǵa eristi.
Dal`ton-plan. XX-ásirdiń basında Amerikalı pedagog hayal Elena Parkherst Dal`ton qalasında oqıtıwdı shólkemlestiriwdiń jańa laboratoriyalıq túrin qolladı. Sabaqtan bas tartıldı, muǵallimniń túsindiriwi jazba tapsırmalar menen almastırıldı, ádebiyatlar kórsetildi, wazıypalar belgilendi. Oqıwshılar tapsırmalardı ózbetinshe jeke orınlap, orınlanǵanı tuwralı muǵallimge esap berdi.
Do'stlaringiz bilan baham: |
