Oqıtıw metodları hám quralları. JobaSÍ: Oqıtıw metodı, usılı hám quralı haqqında túsinik

Ilayıqlasırılǵan oqıtıw túri. Oqıwshılardıń birdey jeke ózgesheliklerin bilim hám rawajlanıw dárejesin esapqa alıp, tálim-tárbiya protsesin shólkemlestiriwge ılayıqlastırılǵan oqıtıw túri delinedi. Ol oqıwshılardıń uqıbına, qızıǵıwına hám olardıń tańlaǵan kásibine ılayıqlastırıw arqalı ámelge asırıladı.
Uqıplı, talantlı jaslardı oqıtıw hám tárbiyalaw. Respublıkamızda olar ushın arnawlı mektepler, mektep-internatlar, litseyler hám basqa oqıw orınları ashılǵan. Prezidentimizdiń baslaması menen «Umid», «Kamolot», «Ustaz», «Uluǵbek» fondları shólkemlestirildi. Bul fondlar asa uqıplı, talantlı jaslardı hám jas muǵallimlerdi tańlap alıp olardıń aldıńǵı qatardaǵı demokratiyalıq mámleketlerdiń ataqlı oqıw orınlarında bilim alıwına, tájiriybe toplawına hám qánigeligin jetilistiriwge ǵamqorlıq jasaydı. Joqarǵı oqıw orınlarında uqıpıi, talantlı studentlerge jeke joba tiykarında tálim-tárbiya beriw tájiriybesi baslandı.
Baǵdarlamalastırılǵan oqıtıw. Bul oqıtıw túri 1957 - jılı Amerikada baǵdarlamalastırılǵan oqıtıw túri degen at penen dúńyaǵa málim boldı. Amerikanıń eki pedagogı, psihologı B.F.Skinner hám I.Krauder baǵdarlamalastırılǵan oqıtıw túrin oylap taptı, onıń pedagogikalıq-psixologiyalıq negizin islep shiqtı. Baǵdarlamalastırılǵan oqıtıw túri eki sistemada júrgiziledi. Oqıtıwdıń liniyalı sistemasında oqıw materialı kishkene bólekshelerge bólinip úyreniledi. Tuwra baǵdarlamalastırılǵan oqıtıw túri arnawlı sabaqlıqlar hám oqıw qollanbaları negizinde shólkemlestiriledi.
Aralıqtan oqıtıw oqıtıwdıń jańa hám ózgeshe bir túri bolıp, qálegen bir oqıwshınıń, belgili waqıtta, keńislikte yamasa málim orın menen tehnikalıq qurallardıń (televizor, kino, radiopriemnik, komp`yuter, internet, t.b.) járdeminde aralıqtan qatnas jasaw arqalı da oqıwı yamasa bilim alıwı múmkin. Aralıqtan oqıtıwda respublikamızda jańadan shólkemlestirilip atırǵan Elektron kitapxana, Elektron pochta, balalar hám jaslardıń komp`yuter tarmaqları jáne internetten keń paydalanıwǵa boladı. Sonday-aq Xabar hám baylanıs texnologiyaları qollanıladı.