Oqıtıw metodları hám quralları. JobaSÍ: Oqıtıw metodı, usılı hám quralı haqqında túsinik

3. Sabaq – Respublikamız mekteplerinde oqıtıw jumısların shólkemlestiriwdiń tiykarǵı túri.
Oqıtıw jumısların shólkemlestiriwdiń sabaq hám basqa túrlerinde oqıw isleri – jámáát, topar, jeke túrde alıp barıladı.Sabaqtıń sapalı hám nátiyjeli bolıwı mına talaplardı saqlawǵa baylanıslı boladı; sabaq mámleketlik bilimlendiriw standartı hám oqıw baǵdarlamasına muwapıq ótkerilip oqıwshılardı olarda kórsetilgen bilim, eplilik, kónlikpeler sisteması menen qurallandırǵanda; sabaqtıń maqseti menen wazıypaları, ondaǵı baslı hám ekinshi dárejeli máseleler anıq belgilengende; oqıtıwdıń maǵlıwmatlıq, tárbiyalıq hám rawajlandırıwshılıq maqsetiniń birligin saqlaǵanda; oqıwshılardı ulıwma insanıy hám milliy qádiriyatlar ruwxında tárbiyalawǵa, olarǵa milliy ideya menen milliy ǵárezsizlik ideologiyasın sińdiriwge qaratılǵan da; respublikamız turmısı, xalqımızdıń dańqlı ótmishi, baxıtlı búgingi kúni menen baylanıstırılıp, ózligimizdi hár tárepleme tereń úyretip oqıwshılarda óz watanı, xalqı ushın maqtanısh sezimin qáliplestirgeninde; sabaqta xalıq pedagogikasınıń altın ǵáziynesinen, dúńya pedagogikasındaǵı jańalıqlardan, aldıńǵı hám novatorlıq tájiriybelerden dóretiwshilik penen paydalanǵanda; sabaqta qollanılatuǵın metodlar, usıllar, kórsetpeli hám texnikalıq qurallar, jańa pedagogikalıq texnologiyalar durıs tańlanıp hám sheber qollanılǵanda; hár bir oqıwshıǵa jeke qatnasıqta bolıwdı, uqıplı, talantlı hám tómen úlgeretuǵın oqıwshılar menen ayırım islesiwdi támiyinlegende; oqıwshılardı bilimdi ózbetinshe izlep tabıwǵa, bilimdi ózbetinshe iyelew ónerin úyreniwge ádetlendirgende; oqıwshılarda ózbetinshe erkin pikirlewdi, jedellikti, dóretiwshilik oylaw menen dóretiwshilik uqıpıqtı rawajlandırǵanda;
4.Sabaq túrleriniń úlgili dúzilisleri
Oqıwshılardı jańa bilimler menen qurallandırıw sabaǵınıń úlgili dúzilisi; 1.Sabaqtıń baslanıwın shólkemlestiriw (1-2 min); 2. Sabaqtıń maqsetin hám wazıypaların anıqlaw (2-3 min); 3. Jańa materiyaldı úyreniwge tiykar bolatuǵın burınǵı bilimlerdi eske túsiriw. (3-5 min); 4.Jańa bilimlerdi túsindiriw (12-25 min); 5.Úyrenilgen materiyallar boyınsha soraw-juwap ótkeriw, hár túrli óz betinshe jumıslardı shólkemlestiriw (10-15 min); 6.Sabaqtı juwmaqlaw, úyge tapsırma beriw (2-3 min).