Oqıtıw metodları hám quralları. JobaSÍ: Oqıtıw metodı, usılı hám quralı haqqında túsinik

Juwmaqlaw sabaǵınıń úlgili dúzilisi; 1.Oqıwshılar, oqıw xanası, oqıw qurallarınıń sabaqtı baslawǵa tayarlıǵın kózden ótkeriw. (1-2 min); 2. Muǵallimniń sabaqtıń teması, maqseti hám wazıypaları haqqında kiris sózi (2-5 min); 3.Aldınnan berilgen sorawlar boyınsha sáwbetlesiw hám hár túrli ámeliy, óz betinshe, dóretiwshilik jumıslardı orınlatıw arqali burınǵı bilimlerdi sistemalastırıw hám ulıwmalastırıw (30-40 min); 4.Muǵallimniń sabaqtı juwmaqlawı, úyge tapsırma beriw (eger zárúr bolsa) (2-3 min)
Mashqalalı sabaqtın úlgili dúzilisi; 1. Oqıwshılar, oqıw xanasın hám oqıw quralların sabaqtı baslawǵa tayarlaw (1-2 min); 2.Sabaqtıń temasın, maqsetin, wazıypaların túsindiriw (2-3 min); 3.Mashqala qoyıw, mashqalalı jaǵday dúziw (3-6 min); 4.Mashqalanı teoriyalıq hám ámeliy jaqtan sheshiw (20-30 min); 5. Mashqalanıń sheshimlerin dodalaw (6-10min); 6.Muǵallimniń sabaqtı juwmaqlawı (2-3 min); 7. Úyge tapsırma.
5.Oqıtıwdı shólkemlestiriwdiń sabaqtan basqa túrleri
Oqıw sayaxatı. Oqıw sayaxat kerekli zatlardı hám qubılıslardı úyreniwge, ilimiy kóz-qarastı, insaniy sıpatlardı qáliplestiriwge, oqıwshılardı miynetke úyretiwge hám kásipke baǵdarlawǵa úlken járdem beredi. Sayaxattı ótkeriw sayaxatqa tayarlıq, sayaxattı ótkeriw hám sayaxattı juwmaqlaw basqıshlarınan turadı. Bunnan basqa oqıtıwdı shólkemlestiriwdiń – seminar; ámeliyat; fakul`tativlik sabaq; qosımsha sabaq, konsul`tatsiya, sáwbetlesiw; klasstan tıs oqıw jumısları; pán dógerekleri; oqıw konferentsiyası; oqıwshılardıń úydegi oqıw jumısları; miynetke úyretiw túrleride ushırasadı.
6.Dástúriy emes sabaqlar
Dástúriy emes bekkemlew – oyın sabaǵınıń úlgili dúzilisi; 1.Sabaqtıń baslanıwın shólkemlestiriw (1-2 min); 2.Úyge tapsırmanı óz-ara tekseriw (8-10 min); 3.Oqıwshılarǵa dástúriy emes bekkemlew oyın sabaǵınıń maqsetin hám wazıypaların túsindiriw (2-3 min); 4.Burınǵı alǵan bilim, eplilik, kónlikpelerin hár túrli oyınlardı ótkeriw arqalı bekkemlew (25-30); 5. Sabaqtı juwmaqlaw, oqıwshılarǵa sabaq boyınsha reyting ball qoyıw (2-3 min); 6. Úyge tapsırma (1-2 min).