Dástúriy emes tákirarlaw – oyın sabaǵınıń úlgili dúzilisi; 1.Sabaqtıń baslanıwın shólkemlestiriw (1-2 min); 2. Burınǵı alǵan bilim, eplilik, kónlikpelerdi eske túsiriw (6-8 min); 3. Oqıwshılarǵa dástúriy emes tákirarlaw oyın sabaǵınıń maqsetin hám wazıypaların túsindiriw (2-3 min); 4.Oqıwshılardı hámme tárepten teńdey etip toparlarǵa bólip arnawlı orınlarǵa otırǵızıw. Topar sárdarların hám tóreshiler quramın saylaw (3-5); 5.Oyın jarıstı ótkeriw (30-35 min); 6. Bas tóreshiniń oyın-jarısta toparlardıń jıynaǵan balların hám alǵan orınların esittiriw, sıylıqlaw (2-3 min); 7. Muǵallimniń sabaqtı juwmaqlawı, kúndelik bahalawdı esittiriw (2-3 min); 8. Úyge tapsırma beriw (zárúrligine qaray) (1-2 min)
Modulli sabaqtıń úlgili dúzilisi; 1. Modulli sabaqtı shólkemlestiriw (1-2 min); 2.Oqıwshılardı modulli sabaqtıń maǵlıwmatlıq, tárbiyalıq, rawajlandırıwshılıq maqsetleri menen tanıstırıw (2-3 min); 3. Oqıwshılardı úyreniletuǵın tema boyınsha dúzilgen modul baǵdarlaması hám ádebiyatlar menen támiyinlew (2-3 min); 4. Oqıwshılardıń modul baǵdarlamasındaǵı sorawlarǵa, tapsırmalarǵa óz betinshe juwap tabıwı, komp`yuterde test sheshiw (20-25); 5. Oqıwshılardıń sorawlarǵa, tapsırmalarǵa, komp`yuter-degi testlerge bergen juwapların dodalaw (10-15 min); 6. Modulli sabaqtı juwmaqlaw, kúndelik bahalawdı esittiriw (2-3 min); 7. Úyge tapsırma beriw (zárúrligine qaray) (1-2 min)
Ózin-ózi tekseriw hám bahalaw ushın sorawlar, máseleler, tapsırmalar hám testler
1.Oqıtıw jumısların shólkemlestiriw túri dep nege aytamız?
2.Ótmishtegi mekteplerde oqıtıw jumısları qanday túrlerde shólkemlestirildi hám olar ne ushın zamanlar sınaǵınan óte almadı?
3. Klass-sabaq sistemasınıń artıqmashlıǵı hám kemshiligi neden ibarat?
4. Respublikamız mekteplerinde oqıtıwdıń qanday túrleri qollanıladı?
Do'stlaringiz bilan baham: |
